ରିପୋର୍ଟ : ସୁଶାନ୍ତ ବେହେରା
କଣ୍ଟାମାଳ, (୨୬/୧୦) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ କପାସିରା ଗ୍ରାମରେ ହେବାକୁ ଥିବା କୈଳାସୀ ଯାତ୍ରା ପାଇଁ ସଭାପତି ଅଭିମନ୍ୟୁ ପ୍ରଧାନ ଙ୍କ ତତ୍ତ୍ୱାବଧାନରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା ।
କୈଳାସୀ ଯାତ୍ରା ଏହି ବର୍ଷ କିପରି ସୁନ୍ଦର ଓ ଆକର୍ଷଣୀୟ ହୋଇପାରିବ ଏହାରି ଉପରେ ଆଲୋଚନା କରାଯାଇଥିବା ବେଳେ ଏ ବର୍ଷ ହେବାକୁ ଥିବା ଗ୍ରାମ ର କଳାକାର ମାନଙ୍କୁ ନେଇ ଯାତ୍ରା “କିଏ ଭାଇ ବନ୍ଧୁ କିଏ କୁଟୁମ୍ବ” କିପରି ସୁନ୍ଦର ଭାବରେ ହୋଇପାରିବ ସେହି ଉପରେ ଆଲୋଚନା ହୋଇଥିଲା ।
ଉକ୍ତ ସଭାରେ ସମ୍ପାଦକ ସୁରୁବାବୁ ସାହୁ, କୋଷାଧ୍ୟକ୍ଷ ଆଶିଷ ସେଠୀ, ନାଟ୍ୟ ନିର୍ଦ୍ଦେଶକ ଅଞ୍ଜନ କୁମାର ପଟ୍ଟନାୟକ, ୱାର୍ଡ ମେମ୍ବର ବାବୁଲା କଲତ୍ତା ଓ ସଦାନନ୍ଦ ମହାକୁଡ ଉପସ୍ଥିତ ଥିବାବେଳେ ସଭ୍ୟ ନିର୍ମଳ, ବଂଶୀ, ଅଗସ୍ତି, ପଲସ୍ତି, ଜିତେନ୍ଦ୍ର, ରବୀନ୍ଦ୍ର, ନରେଶ, ପ୍ରମୋଦ, ଶ୍ରୀବତ୍ସ, ପ୍ରତାପ, କ୍ଷେତ୍ର, ରିଭୁ ଙ୍କ ସହିତ ଗ୍ରାମ ର ଅନେକ ଲୋକ ଏହି ବୈଠକରେ ଯୋଗଦେଇଥିଲେ ।