ରିପୋର୍ଟ : ରଞ୍ଜିତ ବେହେରା //
ଢେଙ୍କାନାଳ,(୧୫/୦୮) : ଭାରତ ସରକାରଙ୍କ ଦକ୍ଷତା ବିକାଶ ଓ ଉଦ୍ୟମିତ ମନ୍ତ୍ରଣାଳୟ ଦ୍ୱାରା ପରିଚାଳିତ ଜନଶିକ୍ଷଣ ସଂସ୍ଥାନ, ଢେଙ୍କାନାଳ ପକ୍ଷରୁ ଫିଟ ଇଣ୍ଡିଆ ଫ୍ରିଡମ ରନ୍ କାର୍ଯ୍ୟକ୍ରମ ଅଗଷ୍ଟ ୧୩ ଓ ୧୪ ତାରିଖ ଦୁଇଦିନ ଧରି ଆୟୋଜିତ ହୋଇଯାଇଅଛି ।
ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଏହି କାର୍ଯ୍ୟକ୍ରମ କରାଯାଇଅଛି । ଜନଶିକ୍ଷଣ ସଂସ୍ଥାନ ର ସମସ୍ତ କର୍ମଚାରୀ , ପ୍ରଶିକ୍ଷିକା ଓ ଶିକ୍ଷାର୍ଥୀ ମାନେ ଅଂଶ ଗ୍ରହଣ କରିଥିଲେ । ଜନସାଧାରଣଙ୍କ ସହଭାଗିତାରେ ଆଜାଦି କା ଅମୃତ ମହୋତ୍ସବକୁ ଜନ ଆନ୍ଦୋଳନରେ ପରିଣତ କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ । ସଂସ୍ଥାନର ନିର୍ଦେଶକ ଶ୍ରୀଯୁକ୍ତ ମାନସ ରଞ୍ଜନ ଦାସ ଆନୁଷ୍ଠାନିକ ଭାବେ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ ।
କାର୍ଯ୍ୟକ୍ରମ ଅଧିକାରୀ ଶ୍ରୀଯୁକ୍ତ ସଞ୍ଜୟ କୁମାର ରାଉତ କାର୍ଯ୍ୟକ୍ରମଟିକୁ ପରିଚାଳନା କରିଥିବା ବେଳେ ଶ୍ରୀଯୁକ୍ତ ପ୍ରବୀଣ କୁମାର ରାଉତ, ଶ୍ରୀମତୀ ମଧୁସ୍ମିତା ରାଉତ, ଶ୍ରୀ ସମ୍ଭବ ଦାସ, ଶ୍ରୀ ଦୁର୍ଗା ପ୍ରସାଦ ନନ୍ଦ ସହଯୋଗ କରିଥିଲେ । ୭୫ ତମ ସ୍ୱାଧୀନତା ଦିବସ ପୂର୍ତ୍ତି ଅବସରରେ ଏହି କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା ।