ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୫/୧୧) : ରାୟଗଡ଼ା ସହର ଉପଖଣ୍ଡ ସ୍ଥିତ ସେଞ୍ଚୁରିଅନ ବିଶ୍ୱ ବିଦ୍ୟାଳୟରେ ଆଜି ବାର୍ଷିକ କ୍ରୀଡା ମହୋତ୍ସବ ଅନୁଷ୍ଠିତ ହୋଇଯାଇଛି ।
ସେଞ୍ଚୁରିଅନ ବିଶ୍ୱ ବିଦ୍ୟାଳୟରେ କ୍ରୀଡା ମହୋତ୍ସବ ଅନୁଷ୍ଠିତ ଏହି କ୍ରୀଡା ମହୋତ୍ସବ ରେ ମୁଖ୍ୟ ଅତିଥୀ ରୂପେ ଡିଏସପି ସୁଶାନ୍ତକୁମାର ପକଡିଆ ଯୋଗଦେଇ ଆନୁଷ୍ଠାନିକ ଭାବେ କ୍ରୀଡା ଉତ୍ସବ ଉଦଘାଟନ କରି ପ୍ରତିଯୋଗୀଙ୍କୁ ଉତ୍ସାହିତ କରିଛନ୍ତି । ସମ୍ମାନୀତ ଅତିଥୀ ରୂପେ ବିଶ୍ୱବିଦ୍ୟାଳୟ ନିର୍ଦ୍ଦେଶକ ରାଜେଶ ପାଢୀ, ଜିଲ୍ଲା କ୍ରୀଡା ଅଧାକୀର ସେକ ଆଲେନୁର, ଅଧ୍ୟକ୍ଷ ଆରକେ ମହାପାତ୍ର ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଖେଳକୁଦ ସୁସ୍ଥ୍ୟ ଶରୀର ଗଠନରେ ଶିକ୍ଷାର୍ଥୀ ଜୀବନରେ ଉପାଦେୟ ହୋଇଥାଏ ।
ତେଣୁ ପାଠ ପଢି ଭବିଷ୍ୟତ ଗଢିବା ସହ ଖେଳକୁଦ ମଧ୍ୟ ବିଦ୍ୟର୍ଥୀ ଜୀବନର ପରିପୂରକ ଉପାଦନ ବୋଲି ମୁଖ୍ୟ ଅତିଥୀ ଶ୍ରୀ ପକଡିଆ ସଭାରେ ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଉଦବୋଧନ ଦେଇ ପ୍ରକାଶ କରିଥିଲେ । ସେହିପରି ବିଶ୍ୱ ବିଦ୍ୟାଳୟ ନିର୍ଦ୍ଦେଶକ ଶ୍ରୀ ପାଢୀ ଛାତ୍ରଛାତ୍ରୀଙ୍କ ଜୀବନରେ କ୍ରୀଡାର ଭୂମିକା ସମ୍ପର୍କରେ ସଭାରେ ପ୍ରକାଶ କରିଥିଲେ । ସମ୍ପ୍ରତି କ୍ରୀଡା ଉତ୍ସବରେ ଶିକ୍ଷାନୁଷ୍ଠାନ ର ୫୫୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ଅଂଶଗ୍ରହଣ କରିଥିବାବେଳେ ଏହା ଆଗମୀ ଦୁଇଦିନ ଯାଏଁ ଚାଲିବା ନେଇ ସୂଚନା ମିଳିଛି ।
୫୦ ଓ ୧୦୦ମିଟର ଦୌଡ ପ୍ରତିଯୋଗିତା, ସଟପୁଟ ଥ୍ରୋ, ହାଇ ଜମ୍ପ, ଲଙ୍ଗ ଜମ୍ପ ସମେତ ଅନ୍ୟାନ୍ୟ କ୍ରୀଡା ପ୍ରତିଯୋଗିତାରେ ଏକାଧିକ ପ୍ରତିଯୋଗି ଅଂଶଗ୍ରହଣ କରି କ୍ରୀଡା ଅର୍ନ୍ତଃନିହିତ ପ୍ରତିଭା ପ୍ରଦର୍ଶନ କରିଛନ୍ତି । ଶିକ୍ଷାନୁଷ୍ଠାନ ର ଶକ୍ଷକ ତପନ କଲାସି ଉକ୍ତ ପ୍ରତିଯୋଗିତା ସଞ୍ଚାଳନ କରିଥିବାବେଳେ ଅଧ୍ୟାପକ ସୁବାଶିଷ ହୋତା, ବିଶ୍ୱରଞ୍ଜନ ମିଶ୍ର, ଦିବ୍ୟପ୍ରକାଶ ରଥ ସମେତ ଶିକ୍ଷାନୁଷ୍ଠାନ ର ସମସ୍ତ ଶିକ୍ଷକ, ଶିକ୍ଷୟତ୍ରୀମାନେ ପରିଚାଳନାରେ ସହଯୋଗ କରିଛନ୍ତି ।