ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୩/୧୨) : ବଂଶଧାରା ଘୁମୁସର ନାଗବଳୀ ଡିଭିଜନାଲ କମିଟି ସିପିଆଇ (ମାଓବାଦୀ) ପକ୍ଷରୁ ଏକ ପ୍ରେସ ବିବୃତି ବିଭିନ୍ନ ଗଣ ମାଧ୍ୟମକୁ ଡାକ ଯୋଗେ ମିଳିଥିବା ଜଣାପଡିଛି ।
ମାଓବାଦୀ ବାଘୁନା ଡିଭିଜନ, କମିଟିର ନିୟମଗିରି ଡଙ୍ଗାମାଟି ରେ ପୋଷ୍ଟର । ଡିସେମ୍ବର ୨ରୁ ୮ ପର୍ଯ୍ୟନ୍ତ ପିଏଲଜିଏ ସପ୍ତାହ ପାଳନ କରିବା ପାଇଁ ନିବେଦନ କରିଛନ୍ତି । ଏଥିରେ ଉଲ୍ଲେଖ କରିଛନ୍ତି ଯେ ଜନମୁକ୍ତି ଗରିଲା ସେନା ୨ହଜାର ମସିହା ଡିସେମ୍ବର ୨ ରେ ପ୍ରତିଷ୍ଠା ହୋଇଥିଲା । ପିଏଲଜିଏ ହେଉଛି ଗରିବ ଶୋଷିତ ଲୋକଙ୍କ ସେନା । ପିଏଲଜିଏ ରେ ଯୋଗ ଦିଅନ୍ତୁ । ସାମ୍ରାଜ୍ୟବ, ସାମନ୍ତ ବାଦ ଓ ଦଲାଲ ଅମଲାତନ୍ତ୍ରୀକ ପୁଞ୍ଜିପତି ଶୋଷଣ ସାସକକୁ ଧ୍ୱଂସକରି ନୂଆ ଗଣତାନ୍ତ୍ରିକ ବିପ୍ଳବକୁସଫଳତା କରିବା ପାଇଁ ଦେଶରୁ ଗରିବ ବେରୋଜଗାରୀ ଧନୀ ଦରିଦ୍ର ଅସମାନତା ଶେଷ କରି ପିଏଲଜିଏରେ ଯୋଗ ଦିଅନ୍ତୁ । ବ୍ରାହ୍ମଣୟ ହିନ୍ଦୁ ଫସିବାଦ ବିରୁଦ୍ଧରେ ଲଢେଇ ଜୋରଦାର କରନ୍ତୁ ।
କୃଷକ ହାତରେ ଜମି ଆଦିବାସୀଙ୍କୁ ଜଳ ଜଙ୍ଗଲ ଜମି ଉପରେ ଅଧିକାର ପ୍ରଦନ କରନ୍ତୁ । ମହିଳା ସୁରକ୍ଷା ଅସମ୍ମାନରୁ ମୁକ୍ତି ପାଇଁ ଯୁବତୀ ମନେ ପିଏଲଜିଏରେ ଯୋଗ ଦିଅନ୍ତୁ । କମ୍ପାନୀ ଶୋଷଣ ଲୁଣ୍ଠନ ଓ ବିସ୍ଥାପିନ ବିରୁଦ୍ଧରେ କରିବା ପାଇଁ ଏବଂ ପରିବେଶ ସୁରକ୍ଷା ପାଇଁ ପିଏଲଜିଏ ରେ ଯୋଗ ଦିଅନ୍ତୁ ।ଦରଦାମ ବୃଦ୍ଧି ରୋକିବା ପାଇଁ ଜନ ଯୁଦ୍ଧ ଓ ଗରିଲା ଯୁଦ୍ଧରେ ସାମିଲ ହୁଅନ୍ତୁ । ବିପ୍ଳବ ବିନା ମୁକ୍ତି ନାହିଁ, କମ୍ପାନୀ ଦଲାଲ ମୋଦି ଓ ନବୀନ ସରକାରଙ୍କୁ ବିରୋଧ କରନ୍ତୁ ।
ବନବାସି ଓ ଆଦିବାସୀ ବିରୋଧୀ ଫରେଷ୍ଟର କନଜର୍ସନ ଆଇନ ୨୦୨୨କୁ ବନ୍ଦ, ପେସ ଜଙ୍ଗଲ ଅଧିକାର ଅନୁସାରେ ଗ୍ରାମସଭା କୁ ଅଧିକାର, ଉଭୟ ସରକାର ୨୧୮ ଲକ୍ଷ ଟଙ୍କା ଦେଶରୁ ଲିଟିଥିବା ଉଲ୍ଲେଖ ରହିଛି । ନବୀନ ସରକାର କାଳିଆ ବଳିଆ ମମତା ଭତ୍ତା ଟଙ୍କା କିଆ ଚାଉଳ ରାସ୍ତା ଘାଟ ଓ ଅନ୍ୟାନ ଯୋଜନା ରୁ ୫୦ ହଜାର ଲକ୍ଷ ଟଙ୍କା ହୋଇଥିବା ବେଳେ ଲୋକଙ୍କ ପାଖରେ ପହଁଚୁନାହିଁ । ତେଣୁ ଦଳିତ ଆଦିବାସୀ ଚାଷୀଙ୍କୁ ଜଙ୍ଗଲ ଜମି ପଟାପ୍ରଦାନ ଓ ମଦ ବନ୍ଦ କରାଯାଉ । ଆଦିବାସୀ ଦଳିତ ଛାତ୍ରଛାତ୍ରୀଙ୍କୁ ମାସିକ ୩ ହଜାର ଟଙ୍କା ଷ୍ଟାଇପେଣ୍ଡ ଦିଆଯାଉ ।