ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୨୩/୧୨) : ଆଜି ସ୍ଥାନୀୟ ଜି ଆଇ ଇ ଟି ବିଶ୍ୱବିଦ୍ୟାଳୟ ଅଧିନସ୍ଥ କୃଷି ମହାବିଦ୍ୟାଳୟ ପକ୍ଷରୁ ଆଜି ଜାତୀୟ କୃଷକ ଦିବସ ଓ ଛତୁ ଦିବସ, ଅନୁଷ୍ଠାନ ପରିସରରେ ପାଳନ କରାଯାଇଛି ।
ଜାତୀୟ କୃଷକ ଦିବସ ଓ ଛତୁ ଦିବସ ପାଳିତ ଅବସରରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ସନ୍ତୋଷ କୁମାର ପଣ୍ଡା ଯୋଗଦେଇ ଆଜିର କାଯ୍ୟକ୍ରମ କୁ ଅଧ୍ୟକ୍ଷତା କରିବା ସହ ବର୍ତ୍ତମାନ ଯୁଗରେ କୃଷକ ମାନଙ୍କର ଆର୍ଥିକ ମାନଦଣ୍ଡ କିପରି ସୁଦୃଢ଼ କରାଯାଇପାରିବ ସେ ନେଇ କହିଥିଲେ । ପ୍ରଫେସର ହର ପ୍ରସାଦ ମିଶ୍ର ମଞ୍ଚସିନ ରହି ଚାଷୀ ଭାଇ ମାନଙ୍କର ଅତୀତର ସମସ୍ୟା ଏବଂ ତାହାର ସମାଧାନ ଉପରେ ଆଲୋକପାତ କରିଥିଲେ । ଉପାଧ୍ୟକ୍ଷ ପ୍ରଫେସର ଅଶୋକ କୁମାର ମିଶ୍ର କୃଷକ ଭାଇ ମାନଙ୍କ ସାମାଜିକ ଓ ଆର୍ଥିକ ମାନଦଣ୍ଡ କୁ କିପରି ଉନ୍ନତିକରଣ କରାଯାଇପାରିବ ସେ ନେଇ ମତ ପୋଷଣ କରିଥିଲେ ।
ସ୍ଥାନୀୟ କୃଷି ବିଜ୍ଞାନ କେନ୍ଦ୍ରର ଗୃହ ବିଜ୍ଞାନ ବିଶେଷଜ୍ଞ ମଧୁମିତା ଷଡ଼ଙ୍ଗୀ ଯୋଗଦେଇ ରାୟଗଡ଼ା ଜିଲ୍ଲା ରେ କୃଷି ତଥା ଛତୁ ଚାଷ ର ଉନ୍ନତି କିପରି ତ୍ୱରାନ୍ୱିତ କରାଯାଇପାରିବ ସେ ନେଇ କହିଥିଲେ । ଅନୁଷ୍ଠାନର ପ୍ରଫେସର କୈଳାଶ ବିହାରୀ ମହାପାତ୍ର ସ୍ଵାଗତ ଭାଷଣ ପ୍ରଦାନ କରିଥିବା ବେଳେ ଅଧ୍ୟାପିକ ସୁଶ୍ରୀ ସଂଧ୍ୟାରଣୀ ନନ୍ଦ ଧନ୍ୟବାଦ ଅର୍ପଣ କରିଥିଲେ ।
ଏହି ଅବସରରେ ତିନିଜଣ ଅଗ୍ରଣୀ କୃଷି ଉଦ୍ୟୋଗି ଯଥା ଖୋର୍ଦ୍ଧା ଜିଲ୍ଲାର ପ୍ରକାଶ ଚନ୍ଦ୍ର ଦାସ, ଗଞ୍ଜାମ ଜିଲ୍ଲାର ଗୋଲଡଏନ ସୁବୁଦ୍ଧି ଏବଂ ରାୟଗଡା ଜିଲ୍ଲାର ରାଜୀବ ଲୋଚନ ସାହୁଙ୍କୁ ମାନପାତ୍ର ତଥା ଉପଢୌକନ ପ୍ରଦାନ କରି ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ ରେ ଅନୁଷ୍ଠାନର ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ ।