ରିପୋର୍ଟ : ଧ୍ରୁବରଜ ମିଶ୍ର
ବୀରମହାରାଜପୁର, (୨୫/୧୨) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ଦୁର୍ଜନତୈଲା ପଞ୍ଚାୟତ ର କୁଞ୍ଜାପାଲି ଷଡ଼ବଂଶୀୟ ପୂଜାପୀଠ ଠାରେ ୧୮ ତମ ବଡଦେଓ ଲୋକ ମହୋତ୍ସବ ଉଦଘାଟିତ ହୋଇଯାଇଛି ।
୧୮ ତମ ବଡଦେଓ ଲୋକ ମହୋତ୍ସବ ଉଦ୍ଘାଟନି ଉତ୍ସବ ରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ପୂର୍ବତନ ବ୍ଲକ ଅଧ୍ୟକ୍ଷ ରଂଜିତ୍ ରଥ, ଗୋଣ୍ଡ ସମାଜ ର ସୁବର୍ଣ୍ଣପୁର ଜିଲ୍ଲା ସଭାପତି ସୁନିଲ କୁମାର ଭୋଇ, ବଡଦେଓ କ୍ରିୟାନୁଷ୍ଠାନ କମିଟିର ସଭାପତି ଅଚ୍ୟୁତ ପଧାନ, ସମ୍ପାଦକ ଦଶରଥ ପଧାନ ସମ୍ମାନିତ ଅତିଥି ଭାବରେ ଯୋଗଦେଇ ଶୁଭସ୍ତମ୍ଭ ସ୍ଥାପନ କରିଥିଲେ । ଏହି ଅବସରରେ ସ୍ଥାନୀୟ ମହିଳା ମାନଙ୍କ ଦ୍ୱାରା ଖୁଣ୍ଟଲାଦର୍ହ ରୁ ପୂର୍ଣ୍ଣ କଳସ ବୁଡାଇ ଗ୍ରାମ ପରିକ୍ରମା ସହ ପୂଜା ମଣ୍ଡପ ରେ ସ୍ଥାପନ କରାଯାଇଥିଲା ।
ଉକ୍ତ ମଣ୍ଡପ ରେ ଗୋଣ୍ଡ ସମାଜ ର ରାଜ୍ୟ ମହିଳା ସଂଘ ମହା ସଚିବ ସନ୍ତୋସିନୀ କଅଁର ଯୋଗଦେଇ ରାଣୀ ଦୁର୍ଗାବତୀଙ୍କ ପ୍ରତିମୂର୍ତ୍ତି ସ୍ଥାପନ କରିଥିଲେ । ଅନ୍ୟମାନଙ୍କ ମଧ୍ୟରେ ପଦ୍ମନାଭ ଧରୁଆ, ଅମର ସିଂ ଭୋଇ, ସୁବାଷ ଧରୁଆ, କ୍ଷିରାଦ୍ରି ଭୋଇ, ବନମାଳୀ ଭୋଇ, ମିନକେତନ ଭୋଇ, ତ୍ରିନାଥ ଭୋଇ, ଉଗ୍ରେସନ ଭୋଇ, ଗୌରି କୁମୁରା, ପଙ୍କଜ ଧରୁଆ, ରିନା ପୁଟା ଓ ମଞ୍ଜୁଲତା ନାଏକ ଙ୍କ ସହ ଅଞ୍ଚଳର ଗୋଣ୍ଡ ସମାଜ ର ଅନେକ ସଭ୍ୟସଭ୍ୟା ଉପସ୍ଥିତ ଥିଲେ । ଏହି ଅବସରରେ ସଂନ୍ଧ୍ୟା ରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।