ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୧/୧) : ସୋନପୁର ସ୍ମାର୍ଟ ପାର୍କ ଠାରେ ଆଜି ମର୍ନିଙ୍ଗ ୱାକର୍ସ ସଂଗଠନ ପକ୍ଷରୁ ଇଂରାଜୀ ନବ ବର୍ଷ ପାଳନ କରାଯାଇଥିଲା ।
ସୁବର୍ଣ୍ଣପୁର ଏସପି ଅମରେଶ ପଣ୍ଡା, ପୌରାଧ୍ୟକ୍ଷା ତାମସୀ ତାମସ୍ମୀତା ନାଏକ ଅତିଥି ଭାବରେ ଯୋଗ ଦେଇ ମର୍ନିଙ୍ଗ ୱାକର୍ସ ଙ୍କ ସମାବେଶ ଓ ଏକତା କୁ ବଜାୟ ରଖିବା କୁ ପରାମର୍ଶ କରିଥିଲେ ତଥା ଏ ଅବସରରେ ସମସ୍ତେ ଗାଡିଚଳାଇଲାବେଳେ ସର୍ବଦା ହେଲମେଟ ଲଗାଇ ନିଜ ଅମୁଲ୍ୟ ଜୀବନକଚୁ ରକ୍ଷା କରିବାକୁ ଏବଂ ରକ୍ତଦାନ କ୍ଷେତ୍ର ରେ ସମସ୍ତ ନୂତନ ଯୁବ ପିଢୀ ଆଗେଇ ଆସି ଆମ ଜିଲ୍ଲା ର ନାଁ କୁ ସ୍ୱତନ୍ତ୍ର ସ୍ଥାନ ରେ ନାମିତ କରିବାକୁ ଆଜିର ଏହି ନୁଆଁ ବର୍ଷ ର ପ୍ରଥମ ଦିନ ରେ ସମସ୍ତେ ସଂକଳ୍ପ ନେବାକୁ ନିବେଦନ କରିଥିଲେ । ଦିଲ୍ଲୀପ ପାତ୍ର ସମସ୍ତ ଙ୍କୁ ସ୍ୱାଗତ କରିବା ସହ ନିଜକୁ ଫିଟ୍ ଏଣ୍ଡ ଫାଇନ ରଖିବା ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ବୋଲି ମତ ରଖିଥିଲେ ।
ଅନ୍ୟତମ ଅତିଥି ଭାବରେ ପୌର ପରିଷଦ ଅଧ୍ୟକ୍ଷା ଶ୍ରୀମତୀ ନାଏକ ତାଙ୍କ ବକ୍ତବ୍ୟ ରେ ଏହି ପାର୍କ ର ଯତ୍ନ ଓ ସୁରକ୍ଷା ଆମ ସମସ୍ତ ଙ୍କ ଦାୟିତ୍ୱ ଓ କର୍ତ୍ତବ୍ୟ ବୋଲି କହି ଏହିପରି ଆୟୋଜନ ଦ୍ୱାରା ସୁସ୍ଥ ଭାରତ ସମୃଦ୍ଧ ଭାରତ ର ବାର୍ତ୍ତା ପହଞ୍ଚୁ ବୋଲି କହିଥିଲେ । ସହରର ଅଗ୍ରଣୀ ଅନୁଷ୍ଠାନ ସ୍ୱଚ୍ଛଭାରତ ସଙ୍ଗଠନ ର କର୍ମକର୍ତ୍ତା ଏହି ସମାବେଶ ରେ ସ୍ୱଚ୍ଛତା, ରକ୍ତଦାନ, ପରିବେଶ ସୁରକ୍ଷା, ସଡ଼କ ସୁରକ୍ଷା ଓ ନିଶା ନିବାରଣ ଉପରେ ପ୍ଲା କାର୍ଡ ପ୍ରଦର୍ଶନ କରାଇ ସମାଜ କୁ ସଚେତନତା ବାର୍ତ୍ତା ଦେଇଥିଲେ । ଅବକାରୀ ଅଧିକ୍ଷୀକା ସୁମତି ତ୍ରିପାଠୀ ମଧ୍ୟ ସମସ୍ତ ଙ୍କୁ ନବବର୍ଷ ର ଶୁଭେଚ୍ଛା ଜଣାଇ ନିଶାସକ୍ତ ଅବସ୍ଥାରେ ଗାଡ଼ି ନ ଚଲାଇବାକୁ ପରାମର୍ଶ ଦେଇଥିଲେ । ପରେ ଉପସ୍ଥିତ ଅତିଥି ମାନଙ୍କ ସହ ଅନୁଷ୍ଠାନ ର କର୍ମକର୍ତ୍ତା ଜିଲ୍ଲା ସଦର ଡାକ୍ତରଖାନା, ମାତୃଓ ଶିଶୁ ହସପିଟାଲ ଓ ସହରର ଶାନ୍ତି କୁଟିରରେ ଫଳ ବଣ୍ଟନ କରିଥିଲେ ।
ସାମ୍ବାଦିକ ମନୋରଞ୍ଜନ ତ୍ରିପାଠୀ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଜିଲ୍ଲା ଖାଉଟି ଓ ଯୋଗାଣ ଅଧିକାରୀ ସୁରେଶ ପାଣିଗ୍ରାହୀ, ଅଭିମନ୍ୟୁ କୁଶଳ, ଜିତେନ୍ଦ୍ର ପଟ୍ଟନାୟକ, ଜନ୍ମେଜୟ ପାତ୍ର, ଶେଷ ଦେବ ମେହେର, ରାଜକିଶୋର ତ୍ରିପାଠୀ, ସୁଧାଂଶୁ ସାହୁ,ସନ୍ତୋଷ ନାଏକ, ଆନନ୍ଦ ପାତ୍ର, ରମେଶ ଚନ୍ଦ୍ର ଜେନା, ସନ୍ତୋଷ ମେହେର ପ୍ରମୁଖ ଏ ସମସ୍ତ କାର୍ଯ୍ୟକ୍ରମ ଆୟୋଜନରେ ସହଯୋଗ କରିଥିଲେ । ଜିଲ୍ଲା ର ବିଶିଷ୍ଟ ସାହାନାଇ ବାଦକ ଫକୀର ପ୍ରଧାନ ଏ ଅବସରରେ ସାହାନାଇ ବାଦନ କରି ସମସ୍ତ ଙ୍କୁ ଅଭିଭୂତ କରିଥିଲେ ।