ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୧୩/୦୧) : ଆଜି ରାୟଗଡ଼ା ଜିଲ୍ଲା କୋଲନରା ବ୍ଲକ ଶ୍ରୀ ସତ୍ୟସାଇ ସେବା ସମିତି ପକ୍ଷରୁ ମହା ଆଡ଼ମ୍ବରର ସହ ସ୍ୱାମୀ ବିବେକାନନ୍ଦ ଜୟନ୍ତୀ ପାଳନ କରାଯାଇଛି ।
ଏହି ଅବସରରେ, ଜାତୀୟ ଯୁବ ଦିବସ ଉପଲକ୍ଷେ ରାୟଗଡ଼ା ଜିଲ୍ଲାର ସବୁ ସମିତି ଭାଇ ଓ ଭଉଣୀ ମାନଙ୍କ ଦ୍ଵାରା ୱାକ ଫୋର ଭ୍ୟଲ୍ୟୁ କାର୍ଯ୍ୟକ୍ରମ ଆୟୋଜିତ ହେଇଥିଲା । ଏହି କାର୍ଯ୍ୟକ୍ରମ କୋଲନରା ସତ୍ୟସାଇ ସେବା ସମିତି ରୁ ପ୍ରାୟ ୮୦ ରୁ ଉର୍ଦ୍ଧ ଯୁବ ଭାଇ ଓ ଭଉଣୀ ଉପସ୍ଥିତ ରହି ବିଶାଳ ଶୋଭାଯାତ୍ରା ରେ ବାହାରି କୋଲନରା ସ୍ଥିତ ଶ୍ରୀ ସତ୍ୟସାଇ ମନ୍ଦିର ଠାରୁ ବାହାରି ବ୍ଲକ ଅଫିସ ଠାରେ ପହଞ୍ଚିଥିଲେ । ଏଥିରେ ମୁଖ୍ୟ ଅତିଥି ରୂପେ ଜିପିଇଓ ଆର.ସି. ଯୋଶୀ ଯୋଗଦାନ କରିଥିଲେ । ମୁଖ୍ୟ ଅତିଥିଙ୍କୁ ପୁଷ୍ପ ଗୁଛ ଦେଇ ସ୍ୱାଗତକରି ତାଙ୍କ ଉପସ୍ଥିତରେ ଶପଥପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଶ୍ରୀ ସତ୍ୟସାଇ ସେବା ସମିତିର ଜିଲ୍ଲା ସଭାପତି ରାବନା ମୂର୍ତ୍ତି ସମ୍ମାନୀୟ ଅତିଥି ରୂପେ ଯୋଗଦାନ କରିଥିବା ବେଳେ ଶ୍ରୀ ସତ୍ୟସାଇସେବାସମିତି ର ଆବାହକ ବି. ଶିବପ୍ରସାଦ ଯୋଗଦାନ କରି ଆଗାମୀ ପିଡ଼ିଙ୍କ ପାଇଁ ଜାତୀୟ ଯୁବ ଦିବସ ଅବସରରେ ବକ୍ତବ୍ୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଜିଲ୍ଲାର ସମସ୍ତ ବ୍ଲକ୍ ରୁ ଆସି ସଫଳ କରିଥିବା ଯୁବପିଡ଼ିଙ୍କୁ ଶ୍ରୀ ସତ୍ୟସାଇ ସେବା କୋଲନରା ସମିତି ପକ୍ଷରୁ ଧନ୍ୟବାଦ୍ ଅର୍ପଣ କରିଥିଲେ ।