ରିପୋର୍ଟ : ରବିଶଙ୍କର ମହାପାତ୍ର
କୋରାପୁଟ, (୮/୩) : କୋରାପୁଟ ଜିଲ୍ଲା କୋଟପାଡ଼ ବ୍ଲକର ମୂର୍ତ୍ତାହାଣ୍ଡି ଗ୍ରାମପଞ୍ଚଯାତ ଓ ମାଁ ଖଡିଆ ଦେବୀ ପାଣି ପଞ୍ଚାୟତର ର ଜନ ପ୍ରତିନିଧି ଏବଂ ଗ୍ରାମବାସୀ ମାନେ କୋଟପାଡ଼ ଲ୍ୟାମ୍ପ୍ସ ଦ୍ୱାରା ଧାନ କ୍ରୟ କରି ଦଲାଲ ମୁକ୍ତ ମଣ୍ଡି କରିବା ପାଇଁ ସୋମବାର କୋରାପୁଟ ଜିଲ୍ଲାପାଳଙ୍କ ଦ୍ୱାରସ୍ଥ ହୋଇଥିବା ଜଣା ଯାଇଛି ।
ସୂଚନା ଅନୁଯାୟୀ ମାଁ ଖଡିଆ ଦେବୀ ପାଣି ପଞ୍ଚାୟତକୁ ଧାନ କିଣିବା ପାଇଁ ପଞ୍ଜୀକରଣ କରିବା ପୂର୍ବରୁ ପ୍ରଶାସନ ପକ୍ଷରୁ ପଞ୍ଚାୟତରେ ସୂଚନା ପ୍ରଦାନ କରି କିମ୍ବା ନୋଟିସ୍ ଲଗାଇ ଅନ୍ୟ ସମସ୍ତ ଦକ୍ଷ ଓ ଧାନ କ୍ରୟ ପାଇଁ ଇତ୍ସୁକ ପାଣି ପଞ୍ଚାୟତ ମାନଙ୍କୁ ଆବେଦନ ପାଇଁ ସୁଯୋଗ ଦେବା କଥା, କିନ୍ତୁ ଏପରି କରାଯାଇ ନାହିଁ । ବିଭିିନ୍ନ ସ୍ୱୟଂ ସହାୟକ ଗୋଷ୍ଠୀ ଏବଂ ପାଣି ପଞ୍ଚାୟତ ନାମରେ ଧାନ କ୍ରୟ କରିବା ପାଇଁ ଦଲାଲ ମାନେ ଅନୁରୁପ ଭାବେ ପଞ୍ଜିକୃତ କରି ନିଜର ସ୍ୱାର୍ଥ ହାସଲ କରିବା ପାଇଁ ଜଳ ସେଚିତ ଓ ଅଣ ଜଳସେଚିତ ଜମି, ଡଙ୍ଗର ଜମି ସମେତ ଅଣ ଚାଷୀଙ୍କ ନାମକୁ ପଞ୍ଜି କରଣ କରି ମାଲାମାଲ ହୋଇଥାନ୍ତି । ଫଳରେ ପ୍ରକୃତ ଚାଷୀଙ୍କୁ ଧାନ ବିକ୍ରି କରିବା ପାଇଁ ବହୁତ ସମସ୍ୟାର ସମ୍ମୁଖୀନ ହେବାକୁ ପଡି ଥାଏ ।
ତେଣୁ ଆମ ପଞ୍ଚାୟତରେ ଯେଉଁ ପାଣି ପଞ୍ଚାୟତକୁ ଖରିଫ ଧାନ କିଣିବା ପାଇଁ ପଞ୍ଜିକରଣ କରାଯାଇଛି ତାହାକୁ ତୁରନ୍ତ ରଦ୍ଦ କରିବା ପାଇଁ ଜିଲ୍ଲାପାଳ, ଜିଲ୍ଲା ଯୋଗାଣ ଅଧିକାରୀ, ଉପ- ଜିଲ୍ଲାପାଳ ଏବଂ ସ୍ଥାନୀୟ ତହସିଲଦାରଙ୍କୁ ଲିଖିତ ଜଣାଇଛୁ ବୋଲି ଚାଷୀ ମାନେ ଗଣ ମାଧ୍ୟମକୁ ସୂଚନା ପ୍ରଦାନ କରିଛନ୍ତି । ଅନ୍ୟ ମାନଙ୍କ ମଧ୍ୟରେ ସରପଞ୍ଚ ସହଦେବ ରନ୍ଧାରୀ, ସମିତି ସଭ୍ୟ ଗୁରନାଥ ହରିଜନ, ଜଗବନ୍ଧୁ ସମରଥ, ନୀଳକଣ୍ଠ ନାୟକ, ରଞ୍ଜିତ ବିଶୋଇଙ୍କ ସମେତ ଅଞ୍ଚଳର ବହୁ ଚାଷୀ ଉପସ୍ଥିତ ଥିବା ଜଣା ଯାଇଛି । ପ୍ରଶାସନ ର ପଦେକ୍ଷପକୁ ଅପେକ୍ଷା କରିଛୁ ନଚେତ ଛତିଶଗଡ଼ ସୀମାନ୍ତରେ ଅନସନରେ ବସିବୁ ବୋଲି ଚାଷୀ ମାନେ ଗଣ ମାଧ୍ୟମକୁ ସୂଚନା ପ୍ରଦାନ କରିଥିବା ଜଣା ଯାଇଛି ।