ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଗଞ୍ଜାମ, (୨୫/୦୪) : ନକଲି ସାର୍ଟିଫିକେଟ ରାକେଟର ପର୍ଦାଫାସ । ସରକାରୀ ଶିକ୍ଷକଙ୍କ ସହ ୪ ଗିରଫ । ନକଲିସାର୍ଟିଫିକେଟ ବଡ଼ ରାକେଟକୁ ପର୍ଦାଫାସ କରିଛି ବ୍ରହ୍ମପୁର ପୋଲିସ ।
ନିଜ ସ୍ତ୍ରୀର ନକଲି ସାର୍ଟିଫିକେଟ ଜାଣିବା ପରେ ସହରର ଜଣେ ଘରୋଇ ବିଦ୍ୟାଳୟର ଶିକ୍ଷକ ମନୋରଞ୍ଜନ ଗୌଡ଼ ଗୋଷାଣୀ ନୂଆଗାଁ ଥାନାରେ ଜାଲ ସାର୍ଟିଫିକେଟ ପ୍ରସ୍ତୁତ ହେଉଥିବା ନେଇ ଲିଖିତ ଅଭିଯୋଗ କରିଥିଲେ । ଏ ନେଇ ବ୍ରହ୍ମପୁର ପୋଲିସ ପକ୍ଷରୁ ଏକ ସ୍ୱତନ୍ତ୍ର ଟିମ ଗଠନ କରି ତଦନ୍ତ ଆରମ୍ଭ ହୋଇଥିଲା । ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ଚାରି ଜଣଙ୍କୁ ଗିରଫ କରାଯାଇଛି । ଏଥିମଧ୍ୟରୁ ଜଣେ ବାପା ପୁଅ ମଧ୍ୟ ରହିଛନ୍ତି । ଗିରଫ ଅଭିଯୁକ୍ତ ମାନେ ହେଲେ ଖଲ୍ଲିକୋଟ ଥାନା ଅନ୍ତର୍ଗତ ଦୈତାରୀ ବେହେରା ଯିଏ କି ଜଣେ ଶିକ୍ଷକ ଅଛନ୍ତି । ଏହା ସହ ତାଙ୍କ ପୁଅ ଅମୃତ ପ୍ରସାଦ ବେହେରା, ଢେଙ୍କାନାଳ ଜିଲ୍ଲାର ବନମାଳୀପ୍ରସାଦ ଗାଁର ପ୍ରଶାନ୍ତ କୁମାର ସାହୁ ଏବଂ କଟକ ଜିଲ୍ଲା ମଙ୍ଗଳବାଗର କିଶୋର କୁମାର ବେହେରା । ଅଭିଯୁକ୍ତଙ୍କ ନିକଟରୁ ଓଡ଼ିଶାର ବିଭିନ୍ନ କଲେଜ ଓ ବିଶ୍ଵବିଦ୍ୟାଳୟର ନକଲିସାର୍ଟିଫିକେଟ ସହ ଆନ୍ଧ୍ରପ୍ରଦେଶ, ଛତିଶଗଡ ରାଜ୍ୟର ବିଭିନ୍ନ କଲେଜ ଓ ବୋର୍ଡର ନକଲିସାର୍ଟିଫିକେଟ ଓ ସିଲ୍, ବିପିୟୁଟିର ନକଲି ସାର୍ଟିଫିକେଟ ଓ ସିଲ ଜବତ ହୋଇଛି ।