ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, (୨୮/୬) : ଓଡିଶା ସୀମା ଭିତରେ ଥିବା ଜମି ଉପରେ ଆନ୍ଧ୍ର ପ୍ରଦେଶର ଦାଦାଗିରି । ଆଦିବାସୀ ସଂଘର୍ଷ ମୋର୍ଚା (ASM) ତରଫରୁ ରାମନାଗୁଡା ବ୍ଲକ ଅନ୍ତର୍ଗତ ଗୋଗୁପାଡୁ ପଞ୍ଚାୟତ ର ଲାଉଗୁଡ଼ା ଗାଁ’କୁ ଆଦିବାସୀ ସଂଘର୍ଷ ମୋର୍ଚ୍ଚାର କର୍ମକର୍ତ୍ତା ଗଣ ତଦନ୍ତ କରିବା ପାଇଁ ଯାଇଥିଲେ ।
ରିପୋର୍ଟ ଅନୁଯାୟୀ ଲାଉଗୁଡ଼ା ଗାଁ’ର ଆଦିବାସୀ ଲୋକମାନେ ଆନ୍ଧ୍ର ଓଡିଶା ସୀମା ରେ ଥିବା ଜମିକୁ ପୂର୍ବ ପୁରୁଷରୁ ଭୋଗ ଦଖଲ କରି ଚାଷବାସ କରି ଆସୁଥିଲେ । କିନ୍ତୁ ବର୍ତ୍ତମାନ ସମୟରେ ଆନ୍ଧ୍ର ପ୍ରଦେଶର କେଦାରପୁର ଗାଁ’ର କିଛି ମୁଷ୍ଟିମେୟ ଲୋକ ଉକ୍ତ ଜମି ପାଇଁ ଆଦିବାସୀ ମହିଳା ଓ ପୁରୁଷ ମାନଙ୍କୁ ଆକ୍ରମଣ କରିଛନ୍ତି । ଏ ସଂକ୍ରାନ୍ତରେ ଆଜି ରାମନାଗୁଡା ଥାନାରେ ଏକ ମାମଲା ଦାୟର କରାଯାଇଛି । ଆଦିବାସୀ ସଂଘର୍ଷ ମୋର୍ଚ୍ଚା (ASM) ତରଫରୁ ରାମନାଗୁଡା ବ୍ଲକର ଲାଉଗୁଡ଼ା ଗାଁ’ର ଏହି ବିବାଦୀୟ ଜମି ସମସ୍ୟା ନେଇ ବହୁବାର ରାମନାଗୁଡା ତହସିଲଦାରଙ୍କୁ ଜଣା ଯାଇଥିଲେ ମଧ୍ୟ କିଛି ସମାଧାନ ହୋଇପାରି ନାହିଁ । ପୁଣି ଆଜି ଏହି ସମସ୍ୟାର ଆସୁ ସମାଧାନ ପାଇଁ ଦାବିପତ୍ର ପ୍ରଦାନ କରାଯାଇଥିଲା । ପ୍ରଶାସନ ଏହି ସମସ୍ୟାର ସମାଧାନ ପାଇଁ ପଦକ୍ଷେପ ନ ନେବା ଫଳରେ ଏ ଘଟଣା ବାରମ୍ବାର ଘଟୁଛି ।
ଉକ୍ତ ଘଟଣାଟିକୁ ପ୍ରଶାସନ ପକ୍ଷରୁ ଗୁରୁତର ଭାବେ ତଦନ୍ତ କରି ଆଦିବାସୀ ମାନଙ୍କୁ ନ୍ୟାୟ ପ୍ରଦାନ କରିବା ପାଇଁ ପଦକ୍ଷେପ ଗ୍ରହଣ କରିବାକୁ ଦାବି ହୋଇଥିଲା । ଓଡିଶା ସରକାର ଓ ଆନ୍ଧ୍ର ସରକାର ଯଥାଶୀଘ୍ର ଆଲୋଚନା ମାଧ୍ୟମରେ ଦୁଇ ଗାଁକୁ ଶାନ୍ତି ଫେରାଇ ଆଣିବା ପାଇଁ ପଦକ୍ଷେପ ନେବାକୁ ତ୍ରିପତି ଗମାଙ୍ଗ ଦାବି କରିଛନ୍ତି , ନଚେତ୍ ଆଗାମୀ ଦିନରେ ତହସିଲ କାର୍ଯ୍ଯାଳୟ ସମ୍ମୁଖରେ ବିକ୍ଷୋଭ ଓ ଧାରଣା କରିବା ପାଇଁ ଆଦିବାସୀ ସଂଘର୍ଷ ମୋର୍ଚ୍ଚା (ASM) ର କେନ୍ଦ୍ର କମିଟି ସଭ୍ୟ ତ୍ରିପତି ଗମାଙ୍ଗ ଚେତାବନୀ ଦେଇଛନ୍ତି । ଆଜିର ଏହି ତଦନ୍ତ କମିଟି ସଦସ୍ୟ ମାନେ ହେଲେ ଦାସୁରୁ ବିଡିକା, ମୋଜେସ ବିଡିକା, ରମେଶ ପାତିକା , ଗୋବିନ୍ଦ ବିଡିକା, ଛାନ୍ତି ମଣ୍ଡାଙ୍ଗି ଓ ରାମଦାସ ନିମାଲା ।