ରିପୋର୍ଟ : ସନ୍ତୋଷ କୁମାର ନାୟକ
ଭୁବନେଶ୍ୱର, (୨୧/୦୮) : ଓଡିଶା ସିନେ ୱାର୍କର୍ସ ଆସୋସିଏସନ ପ୍ରାୟ ୧୬୦୦ରୁ ଉର୍ଦ୍ଧ୍ୱ ସଦସ୍ୟା, ସଦସ୍ୟଙ୍କୁ ନେଇ ଗଢିଉଠିଛି l
ଏହାର ୬୧ ତମ ସାଧାରଣ ସଭା ରବିବାର ଅପରାହ୍ନ ୪ ଘଟିକା ସମୟରେ ଓଡିଶା, ଭୁବନେଶ୍ୱର ମାଷ୍ଟରକ୍ୟାଣ୍ଟିନ ଛକ ନିକଟସ୍ଥ କଂଗ୍ରେସ ଭବନ ପଛ ପାଖ ବରିଷ୍ଠ ସାମ୍ବାଦିକ ବୁଲନ୍ ଭାଇଙ୍କ ହଲ୍ ରେ ଅନୁଷ୍ଠିତ ହୋଇଯାଇଛି । ଏହି ସଭାରେ ଓଡିଶା ସିନେ ୱାର୍କର୍ସ ଆସୋସିଏସନ୍ ର ନୂତନ ସଭାପତି ଶ୍ରୀଯୁକ୍ତ ଦେବକାନ୍ତ ମିଶ୍ର (ବବି) ଙ୍କୁ ସ୍ୱାଗତ ସମ୍ବର୍ଦ୍ଧନା ଦେବା ସହିତ ସଭାପତି ଦାୟିତ୍ୱ ବହନ କରିବାର ଗୁରୁଦାୟୀତ୍ୱ ପ୍ରଦାନ କରାଯାଇଥିଲା l
ମୁଖ୍ୟ ତଥା ସମ୍ମାନିତ ଅତିଥି ଭାବେ ଓଲିଉଡ଼ ସିନେ ଜଗତର ପ୍ରଯୋଜକ ସଚ୍ଚିକାନ୍ତ ଜେନା, ବିନି ପଟ୍ଟନାୟକ, ଶ୍ରୀଧର ମାର୍ଥା ଏବଂ ମିଡ଼ିଆ ପ୍ଲାନର କ୍ରି୍ଏଟିଭ ହେଡ଼ ପ୍ରଣୟ ଜେଠୀ ଙ୍କ ସମେତ ସମ୍ପାଦକ ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ବେହେରା ମଞ୍ଚରେ ଉପସ୍ଥିତ ଥିଲେ l ପରିଚାଳନା କମିଟିର କିଛି ସଦସ୍ୟଙ୍କ ଦାୟିତ୍ୱ ପରିବର୍ତ୍ତନ ହୋଇଥିଲା । ଏହାର ଏକକିତା ନକଲ ସମସ୍ତ ଗଣମାଧ୍ୟମ ର ସମ୍ପାଦକ ତଥା ଅଧ୍ୟକ୍ଷ ଓ ପ୍ରତିନିଧି ଙ୍କ ନିକଟକୁ ପ୍ରେରିତ କରାଯିବା ସହିତ ଏହାକୁ ପ୍ରସାର କରିବାପାଇଁ ଅନୁରୋଧ କରାଯାଇଥିଲା ।
ଏହାର ଏକକିତା ନକଲ ନୂତନ ସଭାପତି ବବି ମିଶ୍ର ଓ ପୂର୍ବତନ ସଭାପତି ଅଶ୍ରୁ୍ମୋଚନ ମହାନ୍ତି ଙ୍କ ଅବଗତି ଓ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ପ୍ରେରଣ କରାଯାଇଥିଲା । ସଭାରେ କିଛି ନୂତନ ସଦସ୍ୟା/ସଦସ୍ୟ ଗ୍ରହଣ କରାଯାଇଥିଲା l ସଂଘ ସହିତ ସଦସ୍ୟ ମାନେ ଅଙ୍ଗାଙ୍ଗୀଭାବେ ସବୁବେଳେ ଯୋଡି ହୋଇରହିଲେ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇଦିଆଯିବ ବୋଲି ନୂତନ ସଭାପତି ଅଭିଭାଷଣ ରେ କହିଥିଲେ l
ସଭାରେ ଉପସ୍ଥିତ ଥିବା ମୁଖ୍ୟ ଅତିଥି ତଥା ସମ୍ମାନିତ ଅତିଥି ମାନେ ଉପଦେଷ୍ଟା ମଣ୍ଡଳୀ ରେ ରହି ସମସ୍ତ କାର୍ଯ୍ୟକ୍ରମ ର ତଦାରଖ କରିବେ l ମିଡ଼ିଆ ପ୍ଲାନର ର ମୁଖ୍ୟ ପ୍ରଣୟ ଜେଠୀ ମହୋଦୟ ଅନୁଷ୍ଠାନ ସମ୍ପର୍କ ରେ ଅବଗତ ହେଲା ପରେ ବହୁତ ପ୍ରଶଂସା କରିଥିଲେ l ଶେଷରେ ସଂଘ ର ସହ ସମ୍ପାଦକ ଖଗେଶ୍ୱର ଜୟପୁରିଆ ଧନ୍ୟବାଦ ଅର୍ପଣ କରିଥିଲେ l