ରିପୋର୍ଟ : ସୁଶାନ୍ତ ବେହେରା
ହରଭଙ୍ଗା,(୦୫/୦୯) : କରୋନା ତୃତୀୟ ଲହର ର ଆଶଙ୍କା କୁ ଆଖି ଆଗରେ ରଖି ସେବା କ୍ଷେତ୍ର ରେ ଆଗେଇ ଆସିଛି ଲୋକ କଳା ବିକାଶ କେନ୍ଦ୍ର ( LKBK ) ସରସରା । ତୃତୀୟ ଲହରରେ ମୁଖ୍ୟତଃ ଶିଶୁ ମାନେ ଆକ୍ରାନ୍ତ ହେବେ ବୋଲି ଗବେଷକ ମାନେ ମତଦାନ କରିଛନ୍ତି । ମହିଳା ଓ ଶିଶୁ ମାନଙ୍କ ପାଇଁ କାର୍ଯ୍ୟ କରୁଥିବା ସ୍ୱେଚ୍ଛାସେବୀ ଅନୁଷ୍ଠାନ LKBK ସବୁବେଳେ ସବୁ ସମୟରେ ନିଜ ଅଞ୍ଚଳ ପାଇଁ କାମ କରି ଆସୁଛି ।
ଆଜି ଲୋକ କଳା ବିକାଶ କେନ୍ଦ୍ର ଅନୁଷ୍ଠାନ ତରଫରୁ ପୁରୁଣାକଟକ ଓ ରାମଗଡ଼ ଉଚ୍ଚ ବିଦ୍ୟାଳୟ ର ପ୍ରାୟ ୫୦୦ ଛାତ୍ରଛାତ୍ରୀ ଙ୍କୁ N95 ମାକ୍ସ ବଣ୍ଟନ କରାଯାଇଛି । ତା ସହିତ ନିଜ ଅଞ୍ଚଳରୁ କିପରି ବାଲ୍ୟ ବିବାହ ରୋକିବା, ବାଲ୍ୟ ବିବାହ ପରି ଅପରାଧ ଜନକ କାର୍ଯ୍ୟରୁ ନିଜେ ଏବଂ ନିଜ ଅଞ୍ଚଳବାସୀ ଙ୍କୁ କିପରି ଦୂରେଇ ରଖିବା ସେ ସଂପର୍କ ରେ ଆଲୋଚନା ହୋଇଥିଲା ।
ନିଜ ଅଞ୍ଚଳରେ ବାଲ୍ୟ ବିବାହ ହେଉଥିବାର ସୂଚନା ପାଇଲେ ତୁରନ୍ତ ହେଲ୍ପଲାଇନ ନମ୍ବର ୧୦୯୮ କୁ କଲ କରିବାକୁ ସମସ୍ତ ଛାତ୍ରଛାତ୍ରୀଙ୍କୁ ଜଣାଯାଇଥିଲା । ଉଭୟ ରାମଗଡ଼ ଏବଂ ପୁରୁଣାକଟକ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ତଥା ସମସ୍ତ ଶିକ୍ଷକ ଶିକ୍ଷୟତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
ଅନୁଷ୍ଠାନର ପ୍ରତାପ ମେହେର ,ସୁପ୍ରିୟା ଦେହୁରୀ ଏହି କାର୍ଯ୍ୟକ୍ରମରେ ଉପସ୍ଥିତି ଥିଲେ । ଆଗକୁ ହରଭଙ୍ଗା ବ୍ଲକ୍ ର ବିଭିନ୍ନ ଉଚ୍ଚବିଦ୍ୟାଳୟ ଏବଂ କଲେଜ ଗୁଡିକରେ ଆଗାମୀଦିନରେ N95 ମାକ୍ସ ବଣ୍ଟାଯିବ ବୋଲି ଅନୁଷ୍ଠାନ ର ସମ୍ପାଦିକା ଶ୍ରୀମତୀ ପୁଷ୍ପିତା ପ୍ରଧାନ ମତ ପ୍ରକାଶ କରିଛନ୍ତି ।