ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୨୧/୦୧) : କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ମୁରିବାହାଲ ବ୍ଲକ ମାଲିସିରା ଗ୍ରାମ ପଞ୍ଚାୟତ ଖଇରମାଲ ଗ୍ରାମ ମା ବାହାରବାବୁ ଖେଳ ପଡିଆଠାରେ ଫୁଟବଲ ଟୁର୍ଣ୍ଣାମେଣ୍ଟ ଫାଇନାଲ ମ୍ୟାଚ ରବିବାର ଦିନ ଅନୁଷ୍ଠିତ ହୋଇଥିଲା ।
ଫାଇନାଲ ମ୍ୟାଚରେ ମୁଖ୍ୟଅତିଥି ଡବ୍ଲୁଡିସି ସଦସ୍ୟ ହଂସରାଜ ଜୈନ,ସମ୍ମାନିତ ଅତିଥି ଶ୍ରୀ ଶ୍ରୀଧର ମାଝୀ, ପୂର୍ବତନ ସରପଞ୍ଚ ଶ୍ରୀ ଡୁଲାମଣି ବାଗ, ଶ୍ରୀ କଶ୍ୟପ ସରାଫ, ଅଭିଳାଶ ବଘାର ମଞ୍ଚାସିନ ଥିଲେ । ଗତ ୧୪/୧/୨୪ ତାରିଖ ଖେଲ ଆରମ୍ଭ ହୋଇଥିଲା । ସମୁଦାୟ ୧୨ ଗୋଟି ଦଳ ଅଂଶଗ୍ରହଣ କରିଥିଲେ ।ଫାଇନାଲ ମ୍ୟାଚ ବଡ଼ଗମଡା ଭରଶେଷ ଦେଶୀଲ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ଦେଶୀଲ ଫାଇନାଲରେ ଗୋଟିଏ ଗୋଲରେ ବିଜୟ ଲାଭ କରିଥିଲା । ମୁଖ୍ୟ ଅତିଥି ଶ୍ରୀ ଜୈନଖେଳାଳି ଙ୍କୁ ଉତ୍ସାହିତ କରିବା ସହିତ ବିଜେତା ଦଳ ୭ ହଜାର ଟଙ୍କା ଓ ଉପବିଜେତା ଦଳଙ୍କୁ ୫ ହଜାର ଟଙ୍କା ସହିତ ଟ୍ରଫି ପ୍ରଦାନ କରିଥିଲେ । ନେପାଳ ଆଡ଼ଯୁଆଡ, ପିଣ୍ଟୁ ଦୀପ,ବରୁଣ ଲୁହା, ତୀର୍ଥ ଆଡ଼ଯୁଆଡ,ସୀତାରାମ ହାତୀ,ହର ମାଝୀ,ପୁରୁସ୍ତମ ମାଝୀ ପ୍ରମୁଖ ସହଯୋଗ କରିଥିଲେ ।