ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୦/୩) : ଆଗାମୀ ନିର୍ବାଚନକୁ ଦୃଷ୍ଟିରେ ରଖି ଜିଲ୍ଲାପାଳ ରାୟଗଡ଼ା ଓ ଅବକାରୀ ଅଧିକ୍ଷକ ରାୟଗଡ଼ାଙ୍କ ନିର୍ଦ୍ଦେଶକ୍ରମେ ରାୟଗଡ଼ା ସଦର ଅବକାରୀ ନିରୀକ୍ଷକ ଶ୍ରୀ ସତ୍ୟ ନାରାୟଣ ଦାସଙ୍କ ନେତୃତ୍ୱରେ ଶେଷଖାଲ ଥାନା ଅର୍ନ୍ତଗତ ଚିନ୍ନାପେଦମ ଅଞ୍ଚଳରେ ଅତର୍କିତ ଚଢ଼ାଉ କରି ଦୁଇଟି କେସ ରୁଜ୍ଜୁ କରାଯାଇଛି ।
ପି ଆର ନମ୍ବର – ୩୫୬/୨୩-୨୪ ରେ ଜାମି ରାମୁ ନାମକ ଅଭିଯୁକ୍ତ କୁ ଜିଲ୍ଲା ମୋବାଇଲ ୟୁନିଟ ଏସ୍ ଆଇ ଗିରଫ କରି ବେଆଇନ ଭାବେ ଚାଲାଣ କରୁଥିବା ୩୦ ଲିଟର ଆଇ ଡି ଏଲ ଜବତ କରିଛନ୍ତି । ସେହିପରି ପି ଆର ନମ୍ବର – ୩୫୭/୨୩-୨୪ ରେ ଜାମି ଶ୍ରୀନୁ ନାମକ ଅଭିଯୁକ୍ତ କୁ ଗିରଫ କରି ୩୦ ଲିଟର ଆଇ ଡି ଏଲ ଜବତ କରିବା ସହ ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ସେହିପରି ଅନୁରୂପ ଭାବେ ଗୁଡ଼ାରୀ (ଓ ଆଇ ସି) ବସନ୍ତ ଵିଶି ପଦ୍ମପୁର ଥାନା ଅଞ୍ଚଳରେ ଚଢ଼ାଉ କରି ୧୫୭ ଲିଟର ଆଇ ଡି ଏଲ ଜବତ କରିବା ସହ ୧୦୫୦ ଲିଟର ପୋଚ ନଷ୍ଟ କରିବାରେ ସଫଳ ହୋଇଛନ୍ତିି ।
ନିର୍ବାଚନ ସମୟରେ ବହୁ ମାତ୍ରାରେ ମଦ ମାଫିଆ ସକ୍ରିୟ ହୋଇଥାନ୍ତି । ଆନ୍ତଃ ରାଜ୍ୟ ସିମାବର୍ତ୍ତି ଅଞ୍ଚଳରେ ମଦର ପ୍ରଭାବ ରୋକିବା ସହ ସ୍ବଚ୍ଛ ଓ ଅବାଧ ନିର୍ବାଚନ ପାଇଁ ଅବକାରୀ ବିଭାଗର ଏହା ଏକ ପ୍ରୟାସ । ଏହି ଧରପଗଡରେ ଅବକାରୀ ବିଭାଗ ଓ ଜିଲ୍ଲା ମୋବାଇଲ ୟୁନିଟର କର୍ମଚାରୀ ବୃନ୍ଦ ସାମିଲ ଥିବା ସୂଚନା ମିଳିଛି ।