ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର,ତା(୦୯/୧୦) : ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଲାଠୋର ବନବିଭାଗ ପକ୍ଷରୁ ଏକ ବଜ୍ରକାପ୍ତା ଉଦ୍ଧାର ହୋଇଥିବାର ଖବର ମିଳିଛି । ହରିଶଙ୍କର ରେଞ୍ଜ ନିକଟରୁ ଉକ୍ତ ବଜ୍ରକାପ୍ତା ଚୋରା ଚାଲାଣ ବେଳେ ଦୁଇ ଜଣ ଙ୍କୁ ବନବିଭାଗ ଗିରଫ କରିଥିବା ବେଳେ ଜଣେ ଫେରାର ହୋଇଯାଇଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁଯାୟୀ, ବଜ୍ରକାପ୍ତା ଚୋରା ଚାଲାଣ କରାଯାଉଥିବା ନେଇ କୌଣସି ସୂତ୍ରରୁ ସୂଚନା ପାଇ ଲାଠୋର ବନବିଭାଗ କର୍ମଚାରୀ ଗ୍ରାହକ ସାଜି ବଜ୍ରକାପ୍ତା କିଣିବା ପାଇଁ ପହଞ୍ଚିଥିଲେ ଓ ପୂର୍ବରୁ ଯୋଜନା ମୁତାବକ ସେ ଚୋରା ଚାଲାଣକାରୀ ମାନଙ୍କ ସହ ବଜ୍ରକାପ୍ତା କିଣିବା ପାଇଁ ମୁଲଚାଲ କରିଥିଲେ ବୋଲି ସୂଚନା ଦିଆଯାଇଛି । ଖପ୍ରାଖୋଲ ବ୍ଲକ ବନମାଲ ଓ ମହାପଦର ଗ୍ରାମରେ ଥିବା ଏକ ପଡ଼ିଆଠାରେ ପହଞ୍ଚିଥିଲେ । ସେଠାରୁ ବଜ୍ରକାପ୍ତା ଉଦ୍ଧାର କରିବା ସହିତ ୨ ଜଣକୁ ଗିରଫ କରିବାରେ ସଫଳ ହୋଇଥିବା ବେଳେ ଜଣେ ଫେରାର ହୋଇଥିବା ଜଣାପଡ଼ିଛି ।
ଗିରଫ ଦୁଇ ଜଣଙ୍କ ମଧ୍ୟରୁ ମହାପଦର ଗ୍ରାମର ସୁଶୀଲ ଧରୁଆ ଏବଂ ସର୍ଗିପାଲି ଗ୍ରାମର ବଜରଙ୍ଗ ଧରୁଆଙ୍କୁ ଗିରଫ କରିଥିବା ବନବିଭାଗ ସୂଚନା ଦେଇଛି । ସେହିପରି ଏଥିରେ ଆଉ ଜଣେ ସଂଶ୍ଳିଷ୍ଟ ଜଣାପଡ଼ିଥିବା ବେଳେ ବର୍ତ୍ତମାନ ତାକୁ ଧରିବା ପାଇଁ ବନ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢଉ ଚାଲିଥିବା ତଥା ଏହି କାରବାର କେବେ ଠାରୁ ଚାଲିଥିଲା ଓ କେଉଁ ମାନଙ୍କ ର ସମ୍ପୃକ୍ତି ରହିଛି ସେ ନେଇ ଅଧିକ ତଦନ୍ତ କରିବା ବିଶ୍ବସ୍ତ ସୂତ୍ରରୁ ସୂଚନା ମିଳିଛି ।