ରିପୋର୍ଟ : ସୁଶାନ୍ତ ବେହେରା
ବୌଦ୍ଧ,(୨୮/୧୦) : କଣ୍ଟାମାଳ ବ୍ଲକ ସମ୍ମୁଖରେ କଣ୍ଟାମାଳ ଗାଁ ସାଥୀ ସଂଘ ପକ୍ଷରୁ ସଂଘ ର ସଭାପତି ଠାକୁର ଚରଣ ନାୟକ ଙ୍କ ସମେତ ସଂଘର ସମସ୍ତ ସଦସ୍ୟ ମାନେ ବିକ୍ଷୋଭ ପ୍ରଦର୍ଶନ କରି ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟରେ ବିଡ଼ିଓ ଙ୍କ ଜରିଆରେ ଏକ ଦାବୀ ପତ୍ର ପ୍ରଦାନ କରିଛନ୍ତି ।
କିନ୍ତୁ କଣ୍ଟାମାଳ ବ୍ଲକ ରେ ଦୀର୍ଘଦିନ ଧରି ବିଡ଼ିଓ ଶ୍ରୀମତୀ ବନ୍ଦନା ଖଟୁଆଙ୍କ ଅନୁପସ୍ଥିତି ଯୋଗୁଁ ବ୍ଲକ ର ମୁଖ୍ୟ କିରାଣୀ ଙ୍କୁ ଦାବୀ ପତ୍ର ପ୍ରଦାନ କରିଛନ୍ତି । ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ରେ କାର୍ଯ୍ୟରତ କଣ୍ଟାମାଳ ବ୍ଲକ ଗାଁ ସାଥୀ ସଂଘ କଣ୍ଟାମାଳ ବ୍ଲକ ସମ୍ମୁଖରେ ୭ ଦଫା ଦାବି ନେଇ ବିଡ଼ିଓ ଙ୍କୁ ଏକ ଦାବୀ ପତ୍ର ପ୍ରଦାନ କରିଥିଲେ ।
ଗାଁ ସାଥୀ ମାନଙ୍କ ର ମାସିକ ପ୍ରୋତ୍ସାହନ ରାଶି ୮୦୦୦ ଟଙ୍କା ପ୍ରଦାନ ବ୍ୟବସ୍ଥା କରାଯାଉ । ମନରେଗା କାର୍ଯ୍ୟରେ ପତ୍ର ସଂଖ୍ୟା – ୯୪୦ ତା.୧୯/୦୧/୨୦୧୯ ଦ୍ଵାରା ସମସ୍ତ ଗାଁ ସାଥୀ ମାନଙ୍କୁ ମାସକୁ ୧୦ ଦିନ ବର୍ଷକୁ ୧୦୦ ଦିନ କାର୍ଯ୍ୟ ଯୋଗାଇ ଦେବାର ବ୍ୟବସ୍ଥା କରାଯାଉ । ମନରେଗା କାର୍ଯ୍ୟରେ ଜବ କାର୍ଡ ଧାରୀ ମାନଙ୍କୁ ୧୦୦ ଦିନ ବଦଳରେ ୨୦୦ ଦିନ କରାଯାଉ । ମନରେଗା କାର୍ଯ୍ୟରେ ଦୈନିକ ମଜୁରୀ ୨୧୫ ଟଙ୍କାରୁ ୩୦୦ ଟଙ୍କା ରୁ ଊର୍ଦ୍ଧ୍ୱ ରଖାଯାଉ । ଗାଁ ସାଥୀ ମାନଙ୍କ ବିରୁଦ୍ଧରେ ହୋଇଥିବା ନକାରାତ୍ମକ ସରକାରୀ ଚିଠିର ପ୍ରତ୍ୟାହାର କରାଯାଉ ।
କଣ୍ଟାମାଳ ବ୍ଲକରେ ଗାଁ ସାଥୀ ମାନଙ୍କ ଡାଟା ବେଶ୍ ପ୍ରସ୍ତୁତ କରାଯାଉ। ସେମାନଙ୍କୁ ପରିଚୟ ପତ୍ର ପ୍ରଦାନ କରାଯାଉ । ତା ସହ ବ୍ଲକ ଓ ଜିଲ୍ଲାକୁ ଦିଆଯାଇଥିବା ୨୩ ଦଫା ଦାବି କୁ ପୂରଣ କରାଯାଉ । ଏହି ଦାବୀ ଗୁଡ଼ିକ ମୁଖ୍ୟମନ୍ତ୍ରୀ ଙ୍କୁ ଦେବା ସହ 5T ସଚିବ ଭୁବନେଶ୍ଵର ଓ ବିରୋଧୀ ଦଳ ନେତାଙ୍କୁ ମଧ୍ୟ ଦାବୀ ଜଣାଇଛନ୍ତି ।