ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର,ତା(୧୭/୧୧) : ବଲାଙ୍ଗିର ଜିଲ୍ଲା ଅନ୍ତର୍ଗତ ସଇଁନ୍ତଲା ବ୍ଳକ ର ଟିକ୍ରାପଡ଼ା ଫାଣ୍ଡି ଅଞ୍ଚଳରେ ଟ୍ରାକ୍ଟର ରେ ବାଲି ଆଣିବାକୁ ଯାଇ ଜଣେ ଶ୍ରମିକଙ୍କ ଶୋଚନୀୟ ମୃତ୍ୟୁ ଘଟିଥିବା ଜଣାଯାଇଛି । ସମ୍ପର୍କୀୟ ବାଇକ ଯୋଗେ ମୃତ ଶ୍ରମିକଙ୍କ ଶବ ନେଇ ଘରେ ପହଞ୍ଚିଲେ |
ସୂଚନା ଅନୁଯାୟୀ ଟିକ୍ରାପଡ଼ା ଗ୍ରାମ ନିକଟସ୍ଥ ଲାନ୍ଥ ନଦୀକୁ ଟ୍ରାକ୍ଟର ଯୋଗେ କିଛି ଶ୍ରମିକ ବାଲି ଆଣିବାକୁ ଯାଇଥିଲେ । ଉକ୍ତ ସମୟରେ ମୃତ ଶ୍ରମିକ କିଛି ଦୂର କୁ ପାଣି ପିଇବାକୁ ଯାଇଥିବା ବେଳେ ତାଙ୍କ ମୃତ୍ୟୁ କେମିତି ଘଟିଲା ତାହା ଜାଣି ନ ଥିବା ଅନ୍ୟ ଶ୍ରମିକ ପ୍ରକାଶ କରିଛନ୍ତି । ମୃତ ଶ୍ରମିକ ଙ୍କ ସମ୍ପର୍କୀୟ ଲୋକେ ତାଙ୍କ ମୃତ୍ୟୁ ଘଟିଥିବା ଜାଣି ଏକ ବାଇକ ଯୋଗେ ମୃତ ଶ୍ରମିକଙ୍କ ଶବ ନିଜ ଘର କୁ ନେଇଯାଇଥିଲେ । ତାଙ୍କର ପରିଚୟ ସଠିକ ଭାବେ ମିଳି ପାରି ନ ଥିବା ବେଳେ ଶ୍ରମିକ ଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ର ବିଷୟ ପାଲଟିଛି ।
ଟିକ୍ରାପଡ଼ା ଫାଣ୍ଡି ଅଧିକାରୀ ଆଦିତ୍ୟ ପ୍ରସାଦ ସାହୁ ଙ୍କୁ ଯୋଗାଯୋଗ କରିବାରୁ ଏପରି କୌଣସି ଖବର କିମ୍ବା ସୂଚନା ନ ଥିବା ଜଣାଇଛନ୍ତି । କେଉଁ କାରଣରୁ କିଭଳି ତାଙ୍କ ମୃତ୍ୟୁ ଘଟିଛି ସେ ନେଇ ବିଭିନ୍ନ ସନ୍ଦେହ ସୃଷ୍ଟି ହୋଇଛି ।