ରିପୋର୍ଟ : ଦେବଦତ୍ତ ରଥ
କଳାହାଣ୍ଡି,(୨୧/୧୧) : କିଛି ବର୍ଷ ତଳେ ଦାନ ମାଝୀ ନିଜ ସ୍ତ୍ରୀ ଶବ କୁ କାନ୍ଧରେ ବୋହି ନେବା ଘଟଣା ସାରା ଦେଶରେ ଚର୍ଚ୍ଚାର ବିଷୟ ପାଲଟି ଥିଲା । ପୁଣି ସେହିଭଳି ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ |
ମେଡ଼ିକାଲ ରେ ଶବ ନେବା ପାଇଁ କୌଣସି ବ୍ୟବସ୍ଥା ନ ହେବାରୁ ମୋଟର ସାଇକଲ ରେ ବୁହା ହେଲା ଶବ | ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ପର୍ଲା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଠାରେ । ସୁଚନା ମତେ ଆଜି ସକାଳୁ ବେହେରା ଗୁଡା ଗ୍ରାମର କରନ ବେମାଲ ନାମକ ବୃଦ୍ଧ ମହିଳା ଅସୁସ୍ଥ ହେବାରୁ ନିକଟସ୍ଥ ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ପରିବାର ଲୋକେ ଆଣି ଥିଲେ କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
କିନ୍ତୁ ଶବ ଆଣିବା ପାଇଁ ମେଡ଼ିକାଲ ରେ କୌଣସି ସୁବିଧା ନାହିଁ ବୋଲି କହିବାରୁ ଏକ ମୋଟର ସାଇକଲ ଯୋଗେ ଦୀର୍ଘ ଦଶ କିଲୋମିଟର ପର୍ଯ୍ୟନ୍ତ ବେହେରାଗୁଡ଼ା ଗ୍ରାମକୁ ଆଣିଥିଲେ | ପରିବାର ଅତ୍ୟନ୍ତ ଗରିବ ଶ୍ରେଣୀ ର ହୋଇଥିବାରୁ କୌଣସି ଉପାୟ ନ ପାଇ ବାଧ୍ୟ ହୋଇ ଏକ ମୋଟର ସାଇକଲ ଯୋଗେ ଶବ ଆଣିଥିବା ପ୍ରକାଶ କରିଛନ୍ତି । ଏ ନେଇ ଡକ୍ଟର ଆଶୁତୋଷ ପଟ୍ଟନାଏକ ଙ୍କ ପ୍ରତିକ୍ରିୟା ନେଇଥିଲୁ ସେ କହିଲେ ଶବ ବାହକ ଗାଡିକୁ କଲ କଲି କିନ୍ତୁ ସେହି ନମ୍ୱର ସ୍ୱିଚ ଅଫ ଥିଲା ପରେ ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଗାଡି ଡ୍ୟୁଟି ଯାଇଥିଲା ବୋଲି କହିଥିଲେ ।
କିନ୍ତୁ ଏଠି ପ୍ରଶ୍ନବାଚୀ ସୃଷ୍ଟି ହେଉଛି ଏତେ ମେଡ଼ିକାଲ ଷ୍ଟାପ ରହିଥିବା ସତ୍ତ୍ୱେ ଶବ ବାଇକରେ ଯିବା ପରିତାପର ବିଷୟ । ତେଣୁ ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ସାଧାରଣରେ ଦାବି ହେଉଛି ।