ରିପୋର୍ଟ : ରବି ଶଙ୍କର ମହାପାତ୍ର
କୋରାପୁଟ,(୨୭/୧୧) : କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ ଶଶାହାଣ୍ଡି ଗ୍ରାମପଞ୍ଚାୟତ ଆନୁକୂଲ୍ୟରେ ଶଶାହାଣ୍ଡି ଗ୍ରାମ ନୂତନ ପାର୍କ ପଡିଆ ଠାରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ର କାର୍ଡ ବଣ୍ଟନ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଓଡିଶା ସରକାରଙ୍କ ଦ୍ୱାରା ଗତ ସେପ୍ଟେମ୍ବର ପହିଲାରୁ ମାଲକାନଗିରି ରୁ ଆରମ୍ଭ ହୋଇଥିବା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା କାର୍ଯ୍ୟକ୍ରମ ର ସ୍ମାର୍ଟ କାର୍ଡ ବଣ୍ଟନ ର ଶୁଭାରମ୍ଭ ଓଡିଶା ସରକାରଙ୍କ ମାନ୍ୟବର ଆଦିବାସୀ ଉନ୍ନୟନ ମନ୍ତ୍ରୀ ଶ୍ରୀ ଜଗନ୍ନାଥ ସାରକା କରିଥିଲେ । ସରକାରଙ୍କ ଏହି ପଦକ୍ଷେପ ସ୍ଵର କୋରାପୁଟ ଜିଲ୍ଲା ର ୩ ଲକ୍ଷ ୭୦ ହଜାର ପରିବାର ର ୧୨ ଲକ୍ଷ ଜନସାଧାରଣ ଏବଂ ଏହି ଶଶାହାଣ୍ଡି ଗ୍ରାମ ପଞ୍ଚାୟତ ରେ ୨୨୬୩ ପରିବାର ଉପକୃତ ହୋଇପାରିବେ ।
ଏହି ଯୋଜନାରେ ମହିଳାମାନେ ୧୦ ଲକ୍ଷ ଟଙ୍କାର ଏବଂ ପୁରୁଷମାନେ ୫ ଲକ୍ଷ ଟଙ୍କାର ବାର୍ଷିକ ସ୍ୱାସ୍ଥ୍ୟ ସହାୟତା ଦେଶ ର ବିଭିନ୍ନ ସ୍ଥାନରେ ଥିବା ୨୦୦ ସରକାରୀ ଓ ବେସରକାରୀ ଚିକିତ୍ସାଳୟରେ ସହାୟତା ପାଇପାରିବେ । ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କହିଛନ୍ତି “ପ୍ରତିଟି ଜୀବନ ଆମ ପାଇଁ ମୂଲ୍ୟବାନ।” ଓଡ଼ିଶା ର ପ୍ରତ୍ୟେକ ଗ୍ରାମ ରୁ ଗ୍ରାମପଞ୍ଚାୟତ ତଥା ବ୍ଲକ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ପହଞ୍ଚି ପାରିବ ଏଥିପାଇଁ ସମସ୍ତଙ୍କ ସହଯୋଗ କାମନା କରାଯାଇଥିଲା ଏବଂ ପୂର୍ବତନ ବିଧାୟକ ଶ୍ରୀ ଚନ୍ଦ୍ରଶେଖର ମାଝୀ ସ୍ଥାନୀୟ ପାନୀୟ ଜଳ ର ସମସ୍ୟା ସମ୍ପର୍କରେ ଏବଂ ସରକାରଙ୍କ ମୁରାନ୍ ଡ୍ୟାମରୁ ପାନୀୟ ଜଳଯୋଗାଣ ନିମନ୍ତେ ସରକାର ଦେଇଥିବା ୧୨୦ କୋଟି ଟଙ୍କା ର ଅନୁଦାନ ସମ୍ପର୍କରେ ଆଲୋଚନା କରିଥିଲେ ।
ଏହି କାର୍ଯ୍ୟକ୍ରମରେ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା ର ପ୍ରକଳ୍ପ ପ୍ରଶାସକ ଙ୍କ ସମେତ ବୋରିଗୁମ୍ମା ବି. ଡି. ଓ., ତହସିଲଦାର, ସ୍ଥାନୀୟ ମନ୍ତ୍ରୀ ପ୍ରତିନିଧି, ସାଂସଦ ପ୍ରତିନିଧି ପ୍ରମୁଖ ଯୋଗଦାନ କରିଥିଲେ ।