ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର, ତା(୧୪/୧୨) : ଜିଲ୍ଲା ପୋଲିସ ପକ୍ଷରୁ ଅପରେସନ କ୍ରାଇମ୍ କଣ୍ଟ୍ରୋଲ୍ ଜାରି ରହିଥିବା ବେଳେ ସାରା ସହର ରେ ଘାଇଁ ଘାଇଁ ଚାଲିଛି ପୋଲିସ ପେଟ୍ରୋଲିଂ । ତଥାପି ଥମୁନି ଅପରାଧ ।
ଅପରେସନ କ୍ରାଇମ୍ କଣ୍ଟ୍ରୋଲ୍ ରେ କେତେକ ପୋଲିସ ପିସିଆର ଗାଡି ରେ ବୁଲିବା ଆଳରେ ବେଆଇନ ମୋଟା କାରବାର ର ମୁଖ୍ୟ ଅଭିଯୁକ୍ତ ଙ୍କୁ ଛାଡି ନାମକୁ ମାତ୍ର କୁଚିଆ ତଥା ସାଧାରଣ କିଛି ଅସମାଜିକ କାରବାର ରେ ସଂଶ୍ଲିଷ୍ଟ ଯୁବକ ଙ୍କୁ ଗିରଫ କରି ମିଥ୍ୟା ବାଃ ବାଃ ନେବାରେ ବ୍ୟସ୍ତ । ଏପରି କି ବଲାଙ୍ଗୀର ର ଜଣେ ଭଦ୍ରବ୍ୟକ୍ତି ଙ୍କୁ ଇତି ମଧ୍ୟରେ ସେ କିଛି ଯୁବକ ତାଙ୍କ ଦୋକାନ ରେ ଠିଆ ହୋଇ ଥିବା ଦେଖି ଉକ୍ତ ଯୁବକ ଙ୍କୁ ସେଠୁ ତଡିଦେଇ ଭିଡ଼ କରୁଛ କହି ଥାନା କୁ ନେଇ କୋର୍ଟ ଚାଲାଣ କରିଥିଲେ ।
ସେ ବର୍ତ୍ତମାନ ବିନା କାରଣରେ ଜେଲ ରେ ଥିବା ବେଳେ ପୋଲିସ ତାଙ୍କ ବିରୋଧରେ ଅଭିଯୋଗ ଥିଲା ଓ କିଛି ଅସାମାଜିକ ଯୁବକ ତାଙ୍କ ଦୋକାନ କୁ ନିଶା ଜିନିଷ କିଣି ଥିବା ଯୋଗୁଁ ଗିରଫ କଲୁ ବୋଲି କହିଛନ୍ତି । ହେଲେ କୌଣସି ନିଶା ଔଷଧ କିମ୍ବା ଜିନିଷ ମିଳି ନ ଥିବା ଓ ଉକ୍ତ ଯୁବକ ଙ୍କ ଠାରୁ ପାଇଲୁ କହିଛନ୍ତି ।
ଅପରେସନ କ୍ଲିନ ନାମରେ ୯ ଗୋଟି ଟିମ ଗଠନ କରି ନାମକୁ ମାତ୍ର ପାଇଁତରା ମାରିବା ଓ ଚାନ୍ଦା ଆଦାୟ ରେ ମସଗୁଲ ଥିବା ଚର୍ଚ୍ଚା ଜୋର ଧରିଛି । ସେହିପରି ଗତକାଲି ରାତି ୮ଟା ସମୟରେ ସ୍ଥାନୀୟ କଲେଜ ଛକ ଅଂଚଳରେ ଜଣେ ଯୁବକ ସଂଘବଦ୍ଧ ଆକ୍ରମଣ ର ଶିକାର ହୋଇଥିବା ବେଳେ ଗୁରୁତର ଅବସ୍ଥାରେ ଭୀମ ଭୋଇ ମେଡ଼ିକାଲ୍ କଲେଜ ହସ୍ପିଟାଲ୍ରେ ଚିକିତ୍ସାଧୀନ ରହିଛନ୍ତି । ସୂଚନା ଅନୁସାରେ ସ୍ଥାନୀୟ ଖଇରାପଡ଼ାର ରୁଦ୍ର ମନହୀରା (୨୪) ଘରକୁ ଯାଉଥିବା ବେଳେ ହଠାତ୍ ଚାରି ପାଞ୍ଚ ଜଣ ଯୁବକ ଧାରୁଆ ଅସ୍ତ୍ରରେ ଅତର୍କିତ ଆକ୍ରମଣ କରିଥିଲେ । ଏହି ଆକ୍ରମଣରେ ବେହାଲ୍ ହୋଇ ପଡ଼ିଥିବା ଯୁବକଙ୍କୁ ତୁରନ୍ତ ଉଦ୍ଧାର କରି ସ୍ଥାନୀୟ ଲୋକେ ଡାକ୍ତରଖାନାକୁ ପହଂଚାଇଥିଲେ ।
ତେବେ ପୂର୍ବ ଶତ୍ରୁତା ରୁ ଏହି ଆକ୍ରମଣ ହୋଇଥିବା ଅନୁମାନ କରାଯାଉଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ଅପରାଧୀମାନେ ଧରାପଡ଼ିନାହାନ୍ତି । ପୋଲିସ ପକ୍ଷରୁ ତନାଘନା ତଦନ୍ତ ଜାରି ରହିଥିବା ପ୍ରକାଶ ପାଇଛି । ଇତି ମଧ୍ୟରେ ପ୍ରାୟ ୨୭ ଗୋଟି ଏପରି ମାମଲା ରୁଜୁ ହୋଇସୁଧା ଅଭିଯୁକ୍ତ ଙ୍କୁ ଗିରଫ କରାଯାଇ ନ ଥିବା ଓ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଉଛି ବୋଲି ଜନ ଅସନ୍ତୋଷ ସୃଷ୍ଟି ହୋଇଛି ।