ରିପୋର୍ଟ : ରଞ୍ଜିତ ବେହେରା
ଢେଙ୍କାନାଳ, (୧୪/୧୨) : ଆଜି ନିଖିଳ ଓଡିଶା EPF ପେନସନ ଆସୋସିଏସନ ର ଢେଙ୍କାନାଳ ଶାଖାର ୩ୟ ବାର୍ଷିକ ସାଧାରଣ ସଭା ସଭାପତି ଜ୍ୟୋତିରଞ୍ଜନ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।
ନିଖିଳ ଓଡିଶା EPF ପେନସନ ଆସୋସିଏସନ ର ଏହି ବୈଠକ ରେ ଢେଙ୍କାନାଳ ର ବିଭିନ୍ନ କଳକାରଖାନା ଏବଂ ଅନୁଷ୍ଠାନ ମାନଙ୍କରୁ ଅବସର ନେଇଥିବା କର୍ମଚାରୀମାନେ ଯୋଗଦେଇଥିଲେ । ଏହି ସଭାରେ ସର୍ବ ଭାରତୀୟ ସମନ୍ୱୟ କମିଟି ର ଉପସଭାପତି ତଥା ରାଜ୍ୟ ଶାଖା ଜେନେରାଲ ସେକ୍ରେଟାରୀ ଶ୍ରୀ ଭାଗ୍ୟଧର ବ୍ରହ୍ମ, କଟକ ଜିଲ୍ଲା ଶାଖା ସଭାପତି ଶ୍ରୀ ରାଜକିଶୋର ସ୍ୱାଇଁ ପ୍ରମୁଖ ଉପସ୍ଥିତ ଥିଲେ ।
ସଭା ଆରମ୍ଭରେ ଦେଶ ପାଇଁ ସହିଦ ହୋଇଥିବା ଯବାନ ମାନଙ୍କ ପାଇଁ ସେମାନଙ୍କ ଆତ୍ମା ର ସଦଗତି ପାଇଁ ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ୨୦୧୨ ଏବଂ ୨୦୧୩ ଦୁଇ ବର୍ଷ ପାଇଁ ୧୫ ଜଣ ନୂତନ କର୍ମକର୍ତା ଙ୍କୁ ସର୍ବ ସମ୍ମତି କ୍ରମେ ନିର୍ବାଚିତ କରାଯାଇଥିଲା ।