ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୧୫/୧୨) : ନୟାଗଡ଼ ମହାନଦୀ ବନ୍ୟପ୍ରାଣୀ ବିଭାଗ ପକ୍ଷରୁ ସାତକୋଶିଆ ଅଭୟାରଣ୍ୟ ରେ ତା ୧୫/୧୨/୨୦୨୧ ଠାରୁ ୨୩/୧୨/୨୦୨୧ ପର୍ଯ୍ୟନ୍ତ ବାଘ ଗଣନା କରାଯିବ ।
ସାତକୋଶିଆ ଅଭୟାରଣ୍ୟ ମଧ୍ୟରେ ଥିବା ପଦ୍ମତୋଳା, ସାତକୋଶିଆ, ବାଇଶିପଡ଼ା, ଗଣିଆ, ବଡ଼ମୁଲ, ସୀତଲପାଣି, ଛାମୁଣ୍ଡିଆ, ଵାଣିଗୋଚ୍ଛା ଓ ହରଭଙ୍ଗା ଅଞ୍ଚଳ ରେ ଥିବା କୁସଙ୍ଗ ବନ୍ୟପ୍ରାଣୀ ସମସ୍ତ ଜଙ୍ଗଲ ଓ ମାଧପୁର ରେଞ୍ଜ ଅଧୀନରେ ଥିବା ସାତଖଣ୍ଡ, ତଳଗାଁ, ଗଣ୍ଡାପାଜୁ ଆଦି ୩୬ ଟି ବିଟ୍ ଅଞ୍ଚଳରେ ଆଜିଠାରୁ ୩୬ ଟି ୟୁନିଟ କରାଯାଇ ୧୮୦ ଜଣ କର୍ମଚାରୀ ଏହି ଗଣନା ସାହାଯ୍ୟ ରେ ସାମିଲ ହେବେ ଏବଂ ପ୍ରତି ଟିମରେ ୫ ଜଣ ଲେଖାଏଁ ସଦସ୍ୟ ରହିବେ ବୋଲି ନୟାଗଡ଼ ବନ୍ୟପ୍ରାଣୀ ବିଭାଗ ଡି. ଏଫ. ଓ. ସମୀର କୁମାର ଶତପଥି ଆମ ପ୍ରତିନିଧି ଙ୍କୁ ସୂଚନା ଦେଇଛନ୍ତି ।
ଅଭୟାରଣ୍ୟ ଭିତରେ କ୍ୟାମେରା ଲଗାଯିବ ସହ ବାଇନାକୁଲର ପ୍ରଭୁତି ସରଞ୍ଜାମ ବ୍ୟବହାର କରାଯିବ । ଏହି ଗଣନା କାର୍ଯ୍ୟରେ ନିୟୋଜିତ କର୍ମଚାରୀ ମାନଙ୍କୁ ସ୍ୱତନ୍ତ୍ର ତାଲିମ ପ୍ରଦାନ କରାଯାଇଥିବା ଡି. ଏଫ. ଓ. ଶ୍ରୀ ଶତପଥି ପ୍ରକାଶ କରିଛନ୍ତି ।