ରିପୋର୍ଟ : ସୁନୀଲ ଆଚାର୍ଯ୍ୟ
ବଲାଙ୍ଗୀର,ଟିଟିଲାଗଡ,ତା(୨୮/୦୭) : କରୋନା ମହାମାରୀ ଯୋଗୁଁ ଲୋକଙ୍କ ଜୀବନ ନେବା ସହ ଲୋକଙ୍କ ଜୀବିକା ନିର୍ବାହ କରିବାର ବାଟ ବନ୍ଦ କରିଦେଲା । ଲୋକଙ୍କ ରୋଜଗାର ମଧ୍ୟ ଛଡ଼ାଇନେଲା, ସେ ଭିତରୁ ଟେଣ୍ଟ ଲାଇଟ ଏବଂ ସାଉଣ୍ଡ ବ୍ୟବସାୟ ଅନ୍ୟତମ ।
ଏହି ବ୍ୟବସାୟୀ ତଥା କାର୍ଯ୍ୟରତ କର୍ମଚାରୀ ଗତ ବର୍ଷ ୨୦୨୦ ମାର୍ଚ୍ଚ ମାସ ଠାରୁ ଆଜି ଯାଏଁ କୋଭିଡ କଟକଣା ଯୋଗୁଁ ଲାଇଟ ଏବଂ ସାଉଣ୍ଡ ବ୍ୟବସ୍ଥା ସବୁ ବନ୍ଦ ହୋଇଯାଇଛି । ଧିରେ ଧିରେ ଲକ ଡାଉନ୍ ଖୋଲୁଥିବା ବେଳେ ଲାଇଟ ଡିଯେ ସାଉଣ୍ଡକୁ କୁ ବି ଅନୁମତି ପ୍ରଦାନ କରିବାକୁ ଗୁହାରି କରିଛନ୍ତି ଟିଟିଲାଗଡ଼ ଟେଣ୍ଟ ଲାଇଟଏବଂ ସାଉଣ୍ଡ ଆସୋସିଏସନ୍ ।
ଆଜି ପ୍ରବଳ ବର୍ଷା ହେବା ସତ୍ୱେ ଆସୋସିଏସନ୍ ତରଫରୁ ପୂର୍ତ୍ତ ବିଭାଗ ଡାକବଙ୍ଗଳା ଠାରୁ ଏକ ରେଲୀ ବାହାରି ଉପଜିଲ୍ଲାପାଳଙ୍କ କାର୍ଯ୍ୟ।ଳୟ ପରିସରକୁ ଆସିଥିଲେ । ଉପଜିଲ୍ଲାପାଳଙ୍କ ଅନୁପସ୍ଥିତିରେ ଦାୟିତ୍ୱରେ ଥିବା ଅତିରିକ୍ତ ଉପଜିଲ୍ଲାପାଳଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପ୍ରେରଣ କରିଛନ୍ତି ।
ଆସୋସିଏସନ୍ ର ସଭାପତି ମନୀଷ ସୁନା, ଉପସଭାପତି ରସିକ ପୋଡ଼, ସହ ସମ୍ପାଦକ ତ୍ରିଲୋଚନ ନାଏକ, କୋଷାଧ୍ୟକ୍ଷ ମୁରଲୀ ପଟେଲ, ନାରାୟଣ ବଗର୍ତ୍ତି ଙ୍କ ସହ ମନୋଜ ଅଗ୍ରୱାଲ, ଶଙ୍କର ରାଓ, ବ୍ରହ୍ମାନନ୍ଦ ରଣା, ଅମୂଲ୍ୟ ମହାକୁର , ଧ୍ରୁବରାଜ ମାଝୀ ପ୍ରମୁଖ ସାମିଲ ଥିଲେ ।