ରିପୋର୍ଟ : ଗୋପୀନାଥ ଗୌଡ଼
ଗୁଣୁପୁର, (୨୯/୦୩) : ଆଜି କୌଣସି ସୂତ୍ରରୁ ଖବର ପାଇ ମାଲକାନଗିରି ଭିଜିଲାନ୍ସ ଏବଂ ଜୟପୁର ଭିଜିଲାନ୍ସ ବିଭାଗ ଚାରଦିନ ଧରି ମାଲକାନଗିରି ର କୋଟିପତି ଅଧିକ୍ଷଣ ଯନ୍ତ୍ରୀ ଆଶିଷ ଦାସଙ୍କ ଆୟ ବହିର୍ଭୁତ ସମ୍ପତି ର ଖୋଳତାଡ଼ କରୁଛି |
ତାଙ୍କର ବିଭିନ୍ନ ଜାଗାରୁ ପ୍ରାୟ ପ୍ରାୟ ₹୬ କୋଟି ଟଙ୍କା ର ସମ୍ପତି ଜବତ କରିବା ସହ ୨ କୋଟି ଟଙ୍କା ଜବତ କରିଛି ଭିଜିଲାନ୍ସ ପ୍ରାୟ ୧ କୋଟି ୧୫ ଲକ୍ଷ ଟଙ୍କା ଏବଂ ୧ କେଜି ୨ ଶହ ଗ୍ରାମ ସୁନା ଜବତ କରିବା ପରେ ଆଜି କୌଣସି ସୂତ୍ରରୁ ଖବର ପାଇ କୋଟିପତି ଯନ୍ତ୍ରୀ ଆଶିଷ ଦାସଙ୍କ ରାୟଗଡା ଜିଲ୍ଲା ଗୁଣୁପୁର ଏକ୍ସିସ ବ୍ୟାଙ୍କ ରେ ଚଢ଼ାଉ କରି ସେଠାରୁ ୩୮୫ ଗ୍ରାମ ର ସୁନା ଅଳଂକାର ଜବତ କରିଥିବା ଖୋଦ ମାଲକାନଗିରି ଭିଜିଲାନ୍ସ ଡି ଏସ ପି ସୁଶାନ୍ତ କୁମାର ବିଶ୍ୱାଳ ସୂଚନା ଦେଇଛନ୍ତି । ଏହି ଚଢ଼ାଉ ବେଳେ କୋଟିପତି ଅଧିକ୍ଷଣ ଯନ୍ତ୍ରୀ ଆଶିଷ ଦାସ ଏବଂ ତାଙ୍କ ସ୍ତ୍ରୀ ମଧ୍ୟ ଉପସ୍ଥିତ ଥିଲେ ।
ଏହି ଚଢ଼ାଉ ସମୟରେ ଜୟପୁର ଭିଜିଲାନ୍ସ ଡି ଏସ ପି ଅନନ୍ତ କୁମାର ମଲ୍ଲିକ ଉପସ୍ଥିତ ଥିଲେ । ମାଲକାନଗିରି ଭିଜିଲାନ୍ସ ଡି ଏସ ପି କୌଣସି ତଥ୍ୟ ଦେବାକୁ ଗଣମାଧ୍ୟମ ସାମ୍ନା ରେ ମନା କରିଦେଇଥିଲେ । ତେବେ ଯନ୍ତ୍ରୀ ଆଶିଷ ଦାସଙ୍କର ଆଉ କେଉଁଠି ଏପରି ଆୟ ବହିର୍ଭୁତ ସମ୍ପତ୍ତି ରହିଛି ତାହା ଅଧିକ ତଦନ୍ତ ପରେ ଜଣାପଡିବ ବୋଲି ଭିଜିଲାନ୍ସ ଡ଼ି ଏସ ପି ସୂଚନା ଦେଇଛନ୍ତି ।