ରିପୋର୍ଟ : ଦେବଦତ୍ତ ପଣ୍ଡା
କଳାହାଣ୍ଡି, (୨୨/୦୪) : ଭବାନୀପାଟଣା ସହରସ୍ଥିତ ପୋଲିସ ପଡିଆ ମନ୍ଦିର ପ୍ରାଙ୍ଗଣରେ କଳାହାଣ୍ଡି ପୋଲିସ ଦ୍ୱାରା ଆତ୍ମ ସମର୍ପଣ କରିଥିବା ମାଓନେତାଙ୍କର ବିବାହ ଅନୁଷ୍ଠିତ ହୋଇଯାଇଛି ।
କଳାହାଣ୍ଡି ପୋଲିସ ଦ୍ୱାରା ଏସପି ଡଃ ଶ୍ରବଣ ବିବେକ ଏମ ଆଇପିଏସ ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି ବିବାହ କାର୍ଯ୍ୟକ୍ରମରେ କୋରାପୁଟ ଡିଆଇଜି ରାଜେଶ ପଣ୍ଡିତ ଆଇପିଏସ ମୂଖ୍ୟ ଅତିଥି ଭାବେ ଯୋଗ ଦେଇ ଆଶୀର୍ବାଦ କରିଥିଲେ । ସିଆରପିଏଫ କମାଣ୍ଡାଂଟ ବିପ୍ଲବ ସରକାର ଏବଂ କଳାହାଣ୍ଡି ଜିଲ୍ଲା ର ବରିଷ୍ଠ ପୋଲିସ ପଦାଧିକାରୀ ଙ୍କ ସମେତ ଗଣମାଧ୍ୟମ ପ୍ରତିନିଧି ମାନଙ୍କର ଉପସ୍ଥିତିରେ ଆତ୍ମ ସମର୍ପଣ କରିଥିବା ମାଓ ନେତା କେଶବ ବେଲାଡି ଓରଫ ରାମଦାସ ଏବଂ କଲମଦେଇ ମାଝୀ ଓରଫ ଗୀତା ର ରୀତି ନୀତି ଅନୁସାରେ ବିବାହ ସଂପନ୍ନ ହୋଇଥିଲା ।
ସିପିଆଇ ମାଓବାଦୀ ଗୋଷ୍ଠୀ ର କେକେବିଏନ ଡିଭିଜନ ସଦସ୍ୟ ଏସିଏମ କ୍ୟାଡର ମାଓ ନେତା ଗତ ତା.୧୮/୦୨/୨୦୨୦ ରେ ଆତ୍ମ ସମର୍ପଣ କରିଥିବା ବେଳେ ଓଡିଶା ସରକାରଙ୍କ ନିୟମ ଅନୁସାରେ ସମସ୍ତ ସୁବିଧା ସୁଯୋଗ ଏବଂ ୩ ଲକ୍ଷ ୯୮ ଟଙ୍କା ଅନୁକମ୍ପା ମୂଳକ ସାହାଯ୍ୟ ଯୋଗାଇ ଦିଆଯାଇଥିବାର ପ୍ରକାଶ ।
ସେହିପରି କମଲ ଦେଇ ଓରଫ ଗୀତା ବିଜିଏନ ଡିଭିଜନ ମାଓବାଦୀ ଗୋଷ୍ଠୀ ର ସଦସ୍ୟ ଥିବା ବେଳେ ଗତ ୦୫/୦୧/୨୦୧୬ ରେ ଆତ୍ମ ସମର୍ପଣ କରିଥିବା ବେଳେ ତାଙ୍କୁ ମଧ୍ୟ ଓଡିଶା ସରକାରଙ୍କ ନିୟମ ଅନୁସାରେ ସମସ୍ତ ସୁବିଧା ସୁଯୋଗ ଏବଂ ୨ ଲକ୍ଷ ୯୮ ଟଙ୍କା ଅନୁକମ୍ପା ମୂଲକ ସାହାଯ୍ୟ ଯୋଗାଇ ଦିଆଯାଇଥିବାର ପ୍ରକାଶ ।
ପଡୋଶୀ ଛତିଶଗଡ ରାଜ୍ୟ ର ବିଜେପୁର ଜିଲ୍ଲା ର ଏକ ଗରିବ ପରିବାର ରୁ ଆସିଥିବା ରାମଦାସ ନିଜ ପରିବାରରେ ଦୁଇ ଭଉଣୀ ଓ ଜଣେ ଭାଇ ଥିବା ବେଳେ ସେମାନଙ୍କ ସତ ତାର ପରିବାର ଲୋକଙ୍କୁ ରାମଦାସ ୧୦ ବର୍ଷ ହେବ ସାକ୍ଷାତ କରିନଥିବା ଏବଂ କଳାହାଣ୍ଡି ପୋଲିସ ପାଖରେ ଆତ୍ମ ସମର୍ପଣ କରିବା ପରେ ହିଁ ସାକ୍ଷାତ ସମ୍ଭବ ହୋଇପାରିଥିବା ପ୍ରକାଶ ।
ରାମଦାସ ର ବାପାଙ୍କର ମୋତିଆ ବିନ୍ଦୁ ଅପରେସନ ସମୟରେ ରାମଦାସ ଓ କମଲଦେଇ ର ପରିବାର ଏକାଠି ମିଶିବା ପରେ ଉଭୟଙ୍କ ବିବାହ ସଂପର୍କରେ ଆଲୋଚନା କରି ଉଭୟେ ରାଜି ହେବାପରେ ସେମାନଙ୍କ ବିବାହ ଆୟୋଜନ କରାଯାଇଥିବା ଜଣାପଡିଛି । ଉଭୟେ ଆତ୍ମ ସମର୍ପଣ କରିବା ପରେ ସମାଜରେ ମୂଖ୍ୟ ସ୍ରୋାତରେ ସାମିଲ ହୋଇ କର୍ମ ସଂସ୍ଥାନ ବ୍ୟବସ୍ତା ପାଇଁ କଳାହାଣ୍ଡି ପୋଲିସ ହେପାଜତରେ ସେମାନଙ୍କ ଇଚ୍ଛା ଅନୁସାରେ ଭୋକେସନାଲ ଟ୍ରେନିଂ କରାଯିବାର ବ୍ୟବସ୍ଥା କରାଯାଇଥିଲା ।
ମାଓବାଦୀ କାର୍ଯ୍ୟକଳାପ ରୁ ଦୂରେଇ ରହି ସମାଜର ମୂଖ୍ୟ ସ୍ରୋତରେ ସାମିଲ ହେବା ଲକ୍ଷ୍ୟ ନେଇ ଆଗେଇ ଆସିଥିବା ଉଭୟଙ୍କ ର ବର-କନ୍ୟା ଭଲି ସମ୍ପୂର୍ଣ୍ଣ ଭାବେ ସଜାଇ ହୋଇ ବିବାହ ବେଦୀ ମଣ୍ଡପ ଭୋଜିଭାତ ର ଆୟୋଜନ କରାଯାଇ କଳାହାଣ୍ଡି ପୋଲିସ ଦ୍ୱାରା ଏକ ସାମାଜିକ ବିବାହ ଉତ୍ସବ ଭଳି ଏହି କାର୍ଯ୍ୟକ୍ରମ ଆୟୋଜନ କରିବା ପ୍ରଶଂସନୀୟ ହୋଇଥିଲା ।
ପୋଲିସ ହେପାଜତରେ ମାଓବାଦୀ ରୁ ସମାଜ ର ମୂଖ୍ୟ ସ୍ରୋାତରେ ସାମିଲ ହେବାର ଯେଉଁ ମାନସିକ ପରିବର୍ତ୍ତନ ରେ ଉଭୟ ପୋଲିସ ପଦାଧିକାରୀ ଓ ସରକାରଙ୍କ ଭୂମିକାରେ ଅତ୍ୟନ୍ତ ଉତଫୁଲ୍ଲିତ ହୋଇ ଅନ୍ୟ ମାଓବାଦୀ ମାନଙ୍କୁ ସେଭଳି ଘୃଣ୍ୟ କାର୍ଯ୍ୟକଳାପରୁ ବାହାରି ଆସି ସମାଜ ର ମୂଖ୍ୟ ସ୍ରୋାତରେ ସାମିଲ ହେବାକୁ ସେମାନେ ଆହ୍ୱାନ ଜଣାଇଛନ୍ତି ।