ରିପୋର୍ଟ : ରବି ଶଙ୍କର ମହାପାତ୍ର
କୋରାପୁଟ, (୨୮/୦୪) : ଦୁଇ ଦିନିଆ କୋରାପୁଟ ଜିଲ୍ଲାକୁ ଗସ୍ତରେ ଆସିଛନ୍ତି କେନ୍ଦ୍ର ନାଗରିକ ଉନ୍ନୟନ ଯୁଗ୍ମ ସଚିବ ଉଷା ପାଢୀ । ସକାଳୁ ବିଶାଖାପାଟଣା ରୁ ବାହାରି ସିଧା କୋରାପୁଟ ଜିଲ୍ଲା ର ଚାଟୁଆ ରେ ପହଞ୍ଚିଛନ୍ତି । ପରେ ନନ୍ଦପୁର ବ୍ଲକ ର ଧୃବ ଗ୍ରାମରେ କଫି ନର୍ସରି ପରିଦର୍ଶନ କରିଛନ୍ତି ।
ଦୁଇ ଦିନିଆ କୋରାପୁଟ ଗସ୍ତରେ ଆସିଥିବା କେନ୍ଦ୍ର ନାଗରିକ ଉନ୍ନୟନ ଯୁଗ୍ମ ସଚିବ ଉଷା ପାଢୀ 5T ରେ ରୁପାନ୍ତରିତ ପାଡୁଆ ହାଇସ୍କୁଲ ସହ ପାଡୁଆ ମେଡିକାଲ ପରିଦର୍ଶନ କରି ସ୍ଥିତି ପରଖି ଥିଲେ । ଶିକ୍ଷାକ୍ରମ କୁ ନେଇ ହାଇସ୍କୁଲ ର ଶିକ୍ଷକ ଓ ଛାତ୍ର ମାନଙ୍କୁ ପଚାରି ବୁଝିଥିଲେ । ଶୁକ୍ରିପୁଟ ଓ ଥୂବା ଏମଜି ଏନଆରଜିଏସ ଯୋଜନା ର ହାଇବ୍ରିଡ ପରିବାଚାଷ ପରିଦର୍ଶନ କରିବାପରେ ଚାଷୀ ମାନଙ୍କ ସହ ଆଲୋଚନା କରିଥିଲେ ।
ନନ୍ଦପୁର ଠାରେ ମିଶନ ଶକ୍ତି କେନ୍ଦ୍ର ପରିଦର୍ଶନ କରିବେ । ପରେ ନନ୍ଦପୁରର ସମସ୍ତ କାର୍ଯ୍ୟକ୍ରମ ସାରି କୋରାପୁଟ ସ୍ୱତନ୍ତ୍ର ସର୍କିଟ ହାଉସରେ ବିଶ୍ରାମ ନେବାପରେ ଜୟପୁର ଗସ୍ତ କରି ଜୟପୁର ଏୟାର ଷ୍ଟ୍ରିପ କାର୍ଯ୍ୟ ର ଅଗ୍ରଗତି ର ସମୀକ୍ଷା କରିବେ । ଏହାପରେ ବୋରିଗୁମା ବ୍ଲକ ଗସ୍ତ କରି ମିଶନ ଶକ୍ତି କାର୍ଯ୍ୟକ୍ରମ ଅନୁଧ୍ୟାନ କରିବାର କାର୍ଯ୍ୟକ୍ରମ ରହିଛି ।
ସନ୍ଧ୍ୟାରେ କୋରାପୁଟ ଜିଲ୍ଲାପାଳ କାର୍ଯ୍ୟାଳୟ ସଭାଗୃହ ଠାରେ ଜିଲ୍ଲା ସ୍ତରୀୟ ଅଧିକାରୀଙ୍କ ସହ ବୈଠକ କାର୍ଯ୍ୟକ୍ରମ ରହିଛି । ଆସନ୍ତା କାଲି ସକାଳୁ ଶାବର ଶ୍ରୀକ୍ଷେତ୍ର ଦର୍ଶନ ସହ ପାଇନ ରିସୋର୍ଟ ପରିଦର୍ଶନ କରି ବିଶାଖାପାଟଣା ଫେରିବା କାର୍ଯ୍ୟକ୍ରମ ରହିଛି ।