ରିପୋର୍ଟ : ବିରଞ୍ଚି ପ୍ରସାଦ
ରାୟଗଡ଼ା, (୦୧/୦୫) : ଆଜି ରାୟଗଡ଼ା ଜିଲ୍ଲା ର ଗୁଣପୁର ଠାରେ ଵିଶ୍ଵ ଶ୍ରମିକ ଦିବସ ପାଳିତ ହୋଇଯାଇଛି ।
ଗୁଣପୁର ଠାରେ ମୋଟର କର୍ମଚାରୀ ସଂଘ, ମେସ୍ତ୍ରୀ ସଂଘ, ମାଁ ଗ୍ରାମଦେଵୀ କଟନ ଶ୍ରମିକ ସଂଘ ଓ ଏଆଇସିସିଟିୟୁ ଆନୁକୁଲ୍ୟରେ ଗୁଣପୁର ଓ ରାମନାଗୁଡା ଵ୍ଲକ ଉକୁମ୍ବା ପଞ୍ଚାୟତ ର ସୁଭଦ୍ରାପୁର ଠାରେ ମଇ ଦିବସ ଉପଲକ୍ଷେ ପତକା ଉତ୍ତୋଳନ କରିବା ସହ ଏକ ଶୋଭାଯାତ୍ରାରେ ବାହାରି ଶ୍ରମିକ ମାନଙ୍କ ପାଇଁ ଲଢେଇ କରିଥିବା ସହିଦ ମାନଙ୍କୁ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।
ଆଜକୁ ୧୩୬ ବର୍ଷ ଧରି ଵିଶ୍ଵ ଶ୍ରମିକ ଦିବସ ପାଳନ କରାଯାଉଅଛି । ଦୁଃଖ ଓ ପରିତାପ ର ବିଷୟ ଅଜିବି ଶ୍ରମିକ ଶ୍ରେଣୀ ସମ୍ମାନ ର ସହ ବଞ୍ଚିବା କଷ୍ଟକର ହୋଇପଡିଛି । ଦୈନିକ ଆଠ ଘଣ୍ଟା ବଦଳରେ ବାର ଘଣ୍ଟା କାର୍ଯ୍ୟ କରିଵାକୁ ମୋଦି ସରକାର ଆଇନରେ ପରିବର୍ତ୍ତନ କରୁଛନ୍ତି । ଏହି ପବିତ୍ର ମଇ ଦିବସ ଶ୍ରମିକ ଶ୍ରେଣୀ ର ଏକତାର ଆନ୍ତର୍ଜାତିକ ଦିବସ ।
ସରକାର ଆଜି ଜାତି, ଧର୍ମ, ଅଞ୍ଚଳ ଓ ଭାଷା ଇତ୍ୟାଦି ଆଧାରରେ ସମାଜକୁ ଭାଗ ଭାଗ କରିବାକୁ ଚେଷ୍ଟା କରୁଥିବାରୁ ଏଆଇସିସିଟିୟୁ ଏହାକୁ ତିଵ୍ର ନିନ୍ଦା କରୁଛି । ଏହି ଶ୍ରମିକ ଦିବସ ଅବସରରେ ତ୍ରିପତି ଗମାଙ୍ଗ ନିଜ ଅଭିଭାଷଣରେ କହିଥିଲେ ଯେ, ସ୍କିମ ୱ।ର୍କରସ (ପାଚିକା, ଆଶା, ଅଙ୍ଗନୱାଡ଼ି) ମାନେ ଆଜିଯାଏଁ ଉଚିତ ଵେତନ ସହ ଶ୍ରମିକ ର ମାନ୍ୟତା ପାଇବାରୁ ବଞ୍ଚିତ । ଠିକା କର୍ମଚାରୀମାନେ ୨୬ ଦିନ କାମ ପାଇବାରୁ ବଞ୍ଚିତ । ଏହାର ବିରୋଧ କଲେ ଚାକିରିରୁ ଛଟେଇ କରାଯାଉଛି । ତେଣୁ ଆମେ ଉଚିତ ନ୍ୟାୟ ନପାଇବା ଯାଏଁ ଆମର ସଂଘର୍ଷ ଚାଲୁ ରଖିବା ।
ଆଜିର ଏହି ପବିତ୍ର ଶ୍ରମିକ ଦିବସ ଅବସରରେ ଗୁଣପୁର ମୋଟର କର୍ମଚାରୀ ସଂଘ ର ସଭାପତି ଫଣୀଭୂଷଣ ପଟ୍ଟନାୟକ ନିଜ ଅଭିଭାଷଣରେ କହିଥିଲେ ଯେ, ଆସ ଆଜି ଆମେ ଶପଥ ନେଵା କି ଆମ୍ବେଦକର ଓ ଭଗତସିଂଙ୍କ ସ୍ୱପ୍ନ ର ଭାରତ ଗଠନ ଦିଗରେ, ଜନଗଣଙ୍କର ସ୍ୱାର୍ଥ ର ସୁରକ୍ଷା, ଶ୍ରମିକ ଶ୍ରେଣୀ ର ଏକତା, ଠିକା ପ୍ରଥା ଓ ଶ୍ରମିକ ବିରୋଧୀ ଶ୍ରମ କୋର୍ଡ ଓ ଦମନକାରି ଆଇନ ବିରୋଧରେ ସଂଗ୍ରାମ କରିବା ଲାଗି ସଂକଳ୍ପ ନେବା ଓ ଏହା ପୁରଣ ହେଵା ଯାଏଁ ପ୍ରାଣପଣେ ଚେଷ୍ଟା କରିବା ।