ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୧୫/୦୬) : ଜଗତ ର ନାଥ ଜଗନ୍ନାଥ ସମସ୍ତ ଐଶ୍ଚର୍ଯ୍ୟ ତ୍ୟାଗ କରି ଭକ୍ତଙ୍କ ସହ ମିଶିବାକୁ ଆଜି ରତ୍ନ ସିଂହାସନ ଛାଡ଼ି ପହଞ୍ଚିଛନ୍ତି ସ୍ନାନ ମଣ୍ଡପରେ । ଗୁଣପୁର ଠାରେ ଶ୍ରୀ ଜିଉଙ୍କ ଦେବସ୍ନାନ ନୀତି ଅନୁଷ୍ଠିତ ହୋଇଯାଇଛି ।
ଗୁଣପୁର ଠାରେ ଶ୍ରୀ ଜିଉଙ୍କ ଦେବସ୍ନାନ ନୀତି ନିର୍ଦ୍ଧାରିତ ସମୟରେ ସମସ୍ତ ନୀତିକାନ୍ତି ସହ ପହଣ୍ଡି ବିଜେ କରି ସ୍ନାନ ବେଦୀରେ ଅବସ୍ଥାପିତ କରାଯାଇଛି । ଗୁଣପୁର ଅଞ୍ଚଳରେ ଏକ ନିଆରା ପରମ୍ପରା ରହିଛି, ଶ୍ରୀକ୍ଷେତ୍ର ପୁରୀରେ ମହାପ୍ରଭୁଙ୍କ ମହାସ୍ନାନ ସରିବା ପରେ ଏଠାରେ ଅପରାହ୍ନରେ ଚତୁର୍ଦ୍ଧାମୂର୍ତ୍ତିଙ୍କ ସ୍ନାନଯାତ୍ରା ଆରମ୍ଭ ହୋଇଥିଲା । ଦିର୍ଘ ଦୁଇ ବର୍ଷ ଧରି କରୋନା ର କାଳଚକ୍ରରେ ଭକ୍ତ ଭଗବାନଙ୍କ ଠାରୁ ଦୂରେଇ ରହିଥିବା ବେଳେ ଏ ବର୍ଷ କଟକଣା କୋହଳ ହୋଇଥିଵାରୁ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା । ସ୍ନାନଯାତ୍ରା ସମାପନ ପରେ ଭକ୍ତମାନେ ଗଜାନନ ବେଶରେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ କରିଥିଲେ ।
ଏହି ମହାସ୍ନାନ ଯାତ୍ରାକୁ ସୁରୁଖୁରୁରେ ସମାପନ କରିବା ପାଇଁ ଦେଵୋତ୍ତର ବିଭାଗ ତରଫରୁ ଅତିରିକ୍ତ ତହସିଲଦାର କପିଳେଶ୍ୱର ତାଣ୍ଡି, ଆଦର୍ଶ ଥାନା ଅଧିକାରୀ ଯଶୋବନ୍ତ ହିଆଲ, ଏସ୍ ଡି ପି ଓ ଅଜୟ ବାରିକ ପ୍ରମୁଖ ଉପସ୍ଥିତ ରହି ସ୍ନାନ ଉତ୍ସବକୁ ସୁପରିଚାଳନା କରିଥିଲେ । ଭକ୍ତଙ୍କ ଗହଣରେ ଭଗବାନଙ୍କ ଏପରି ଲିଳାଖେଳା ଅତି ନିଆରା ।