ରିପୋର୍ଟ : ଲୋକନାଥ ସାହୁ
ଗୁଡ଼ାରି, (୧/୧୧) : ରାୟଗଡ଼ା ଜିଲ୍ଲା ଗୁଡ଼ାରି ବ୍ଲକ ରେ ବିଜେଡି ପକ୍ଷରୁ ଜନ ସମ୍ପର୍କ ପଦ ଯାତ୍ରା ଅନୁଷ୍ଠିତ ହୋଇଥିଲା । ରାୟଗଡ଼ା ଜିଲ୍ଲା ସଭାପତି ସୁଧୀର ଦାସ, ଆଦିବାସୀ କଲ୍ୟାଣ ମନ୍ତ୍ରୀ ଜଗନ୍ନାଥ ସାରକା, ଗୁଣୁପୁର ବିଧାୟକ ରଘୁନାଥ ଗମାଙ୍ଗ, ରାୟଗଡ଼ା ବିଧାୟକ ମକରନ୍ଦ ମୁଦୁଲି ପ୍ରମୁଖ ଏହି ଜନ ସମ୍ପର୍କ ପଦ ଯାତ୍ରାରେ ସାମିଲୀ ହୋଇଥିଲେ ।
ମା ଭଣ୍ଡାରଘରଣୀ ମନ୍ଦିର ରେ ପୂଜାର୍ଚ୍ଚନା କରି ଜନସମ୍ପର୍କ ପଦ ଯାତ୍ରା ର ଶୁଭାରମ୍ଭ କରାଯାଇଥିଲା । ଏହି ପଦ ଯାତ୍ରା ସହର ପରିକ୍ରମା ସମୟରେ ସ୍ଥାନୀୟ ଅଞ୍ଚଳର ଲୋକ ନୃତ୍ୟ, ଦଳୀୟ କର୍ମୀ ଓ ନେତା ଙ୍କୁ ଆକର୍ଷଣ କରିଥିଲା । ଗୁଡ଼ାରି ବ୍ଲକ ରେ ସମସ୍ତ ପଞ୍ଚାୟତ ରୁ ବୋହୁ ଲୋକ ଏହି କାର୍ଯ୍ୟକ୍ରମରେ ଯୋଗଦେଇ ଥିଲେ ।
ଗୁଡ଼ାରିର ବରିଷ୍ଠ ବିଜେଡି ନେତା ସନ୍ତୋଷ ମହାନ୍ତି ଙ୍କ ପ୍ରତକ୍ଷ୍ୟ ତତ୍ୱବଧାନରେ ଅନୁଷ୍ଠିତ ଏହି ଜନସମ୍ପର୍କ ପଦଯାତ୍ରାରେ ବ୍ଲକ ଓ ଏନଏସି ର ବହୁ ଦଳୀୟ କର୍ମୀ ସାମିଲି ହୋଇଥିଲେ । ଗୁଡ଼ାରି ଅଞ୍ଚଳରେ ଲୋକ ଙ୍କ ସୁଖଦୁଃଖରେ ବିଜେଡି ଦଳ ରହିଛି ଓ ରହିବ ବୋଲି ସନ୍ତୋଷ ମହାନ୍ତି କହିଥିଲେ । ଏହି ପଦଯାତ୍ରାରେ ୪୦୦୦ ରୁ ଉର୍ଦ୍ଧ୍ଵ ଲୋକ ଆସିଥିବା ଜଣାପଡିଛି l ଗୁଡ଼ାରୀ ପୋଲିସ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ନିମନ୍ତେ ବ୍ୟାପକ ପୋଲିସ ମୁତୟନ କରାଯାଇଥିଲା ।