ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧୧/୧୨) : କଲ୍ୟାଣସିଂହପୁରଠାରୁ ମାଝୀଗୁଡା ଦେଇ ରେଖାଳିଗୁଡା ଠାରୁ ଥେରୁବାଲିକୁ ସଂଯୋଗୀ କରୁଥିବା ରାସ୍ତା ମରଣଯନ୍ତା ପାଲଟିଥିବା ଦେଖିବାକୁ ମିଳିଛି ।
ରେଖାଳିଗୁଡା ଠାରୁ ଥେରୁବାଲି ରାସ୍ତା ପାଲଟିଛି ମରଣଯନ୍ତା । ଉକ୍ତଟି ଆର ଡି ବିଭାଗ ଦ୍ଵାରା କୁମାରଗୁଡା ଛକ ଠାରୁ ମାଝୀଗୁଡା, ରେଖାଲଗୁଡା, ଲକ୍ଷ୍ମୀପୁର, ମାଣ୍ଡିପଦର, କୁସୁବେଟି, ପୋଲମା ଦେଇ କଲୋନରା ବ୍ଲକର ଥେରୁବାଲି ପର୍ଯ୍ୟନ୍ତ ରାସ୍ତା ର ସଂଯୋଗୀ କରଣକରାଯାଇଛି । ପ୍ରାୟ ୭ମାସ ହେବ ଏହାର ମରାମତି କରାଯାଇଥିଲା । ଏହି ରାସ୍ତା ଦେଇ ଛୋଟ ବଡ଼ ଯାନବାହନ ଚଳାଚଳ କରିବା ସହ ଯାତ୍ରୀ ବାହୀ ବସ ମଧ୍ୟ ଯାତାୟାତ କରୁଛି । ଏହି ରାସ୍ତା ନିମ୍ନମାନ କରାଯାଉଥିବା ଯୋଗୁଁ ଏକ ବର୍ଷ ନ ପୁରୁଣୁ ସ୍ଥାନେ ସ୍ଥାନେ ଖାଲଖମା ସୃଷ୍ଟି ହେବା ସହ ରାସ୍ତାରୁ ପିଚୁ ସହିତ ବାଜୁରୀ ବାହାରି ପଡିଛି । ଏହି ରାସ୍ତା ଦେଇ ଯାତାୟାତ କରିବା ସମୟରେ ଛୋଟ ବଡ ଦୁର୍ଘଟଣା ଘଟିଥିବା ଦେଖିବାକୁ ମିଳିଛି ।
କିଛି ଲୋକଙ୍କ ଜୀବନ ମଧ୍ୟ ଚାଲିଯାଇଛି । ଏହାକୁ ନେଇ ବ୍ଲକବାସୀ ତୁରନ୍ତ ରାସ୍ତା ନିର୍ମାଣ କରିବା ପାଇଁ ସାଧାରଣରେ ଦାବି ହେଉଛି । ଏ ସମ୍ପର୍କରେ ଆରଡ଼ି ବିଭାଗର କନିଷ୍ଠ ଯନ୍ତ୍ରୀ ଧବଳେଶ୍ବର ପାତ୍ର କହିଲେ ଯେ ରେଖାଲଗୁଡା ଠାରୁ ପୋଲମା ପର୍ଯ୍ୟନ୍ତ ଅଳ୍ପ ଦିନ ମଧ୍ୟରେ ମରାମତି କରାଯିବ ଓ ପୋଲମା ଠାରୁ ଥେରୁବାଲି ରାସ୍ତାର ସମୟ ସରିଯାଇଛି । ସେଥିପାଇଁ ବିଭାଗ ପକ୍ଷରୁ ସରକାରଙ୍କୁ ଲିଖିତ ଦିଆଯାଇଛି । ସେଥିପାଇଁ ଅନୁଦାନ ଆସିଲେ ମରାମତି କରାଯିବ ବୋଲି ସୂଚନା ଦେଇଛନ୍ତି ।