ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୦୭/୦୧) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅରିଗାଁ ବିମଳିନୀ ଭାରତୀ ଚାଉଳ ଗୋଦାମ ରେ ମାଲିକ ଚାଉଳ ହଡପ କରିଥିବା ବିନିକା ଥାନାରେ ଅଭିଯୋଗ ହୋଇଥିଲା ।
ଅରିଗାଁ ବିମଳିନୀ ଭାରତୀ ଚାଉଳ ଗୋଦାମ ରେ ଚାଉଳ ହଡପ ଘଟଣା । ଅଭିଯୋଗ ପରେ ପୁଲିସ ଏକ ମାମଲା ରୁଜ୍ଜୁ କରିଛି । ସୂଚନା ଅନୁସାରେ ଗତ ଡିସେମ୍ବର ୧୪ ତାରିଖ ଉକ୍ତ ଗୋଦାମ ରେ ନିଆଁ ଲାଗି ଯାଇଥିଲା । ନିଆଁ ଲାଗିବା ପରେ ଜିଲ୍ଲା ଯୋଗାଣ ବିଭାଗ ତଦନ୍ତ ରେ ଆସିଥିଲେ । ତଦନ୍ତ ରୁ ଜଣା ପଡିଥିଲା ଯେ ଗୋଦାମ ରେ ହଜାର ହଜାର କ୍ଵିଣ୍ଟାଲ ଚାଉଳ ଷ୍ଟକ ନଥିଲା । ତେବେ ଏ ନେଇ ଏସିଏସଓ ତ୍ରିନାଥ ଭୋଇ ଗତ ୫ ତାରିଖ ଗୋଦାମ ମାଲିକ ୧୦୮୯୩ କ୍ଵିଣ୍ଟାଲ ଚାଉଳ ହଡପ କରିଥିବା ଥାନାରେ ଗୋଦାମ ମାଲିକ ବିମଳିନୀ ଭାରତୀ ଓ ତାଙ୍କ ପୁଅ ପ୍ରତାପ ଭାରତୀ ଙ୍କ ନାମରେ ଅଭିଯୋଗ କରିଛନ୍ତି ।
ପ୍ରକାଶଥାଉକି ଗୋଦାମ ମାଲିକ ଇତି ମଧ୍ୟରେ ୧୦୯୧୩ କ୍ୱିଣ୍ଟାଲ ଚାଉଳ ପାଣିସିଆଲି ଗୋଦାମ କୁ ରିକୋଭାରୀ ଦେଇଥିବା ଜଣାପଡିଛି । ତେବେ ଏଠାରେ ପ୍ରଶ୍ନ ଉଠୁଛି ଯେ ଏତେଦିନ ପରେ ଏବଂ ଚାଉଳ ରିକୋଭରୀ ଦେବାର ଦିନକ ପରେ ଥାନା ରେ ଏତେଲା ଦେବା ଯୋଗାଣ ବିଭାଗ ର କାର୍ଯ୍ୟକଳାପ କୁ ନେଇ ସନ୍ଦେହ ସୃଷ୍ଟି ହେଉଛି । ଅନ୍ୟପକ୍ଷରେ ଗୋଦାମ ଦାୟିତ୍ୱ ରେ ଥିବା ପି.ଆଇ କୁ କାର୍ଯ୍ୟରୁ ନିଲମ୍ବିତ କରାଯାଇଥିବା ଶୁଣିବାକୁ ମିଳୁଛି ।