ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୧୩/୧) : ଆଜି ଆଇ ଟି ସି ଏବଂ ମାସ୍ ର ଆନୁକୁଲ୍ୟରେ “ଫାର୍ମ ପୋଖରୀରେ ମାଛ ଚାଷ” ପାଇଲଟ୍ ରୂପରେ ପଦ୍ମପୁର ବ୍ଲକର ରୟାଲପଦର ଗ୍ରାମର ମୁଖ୍ୟତଃ ମହିଳା ସ୍ଵୟଂ ସହାୟକ ଗୋଷ୍ଠୀ ଚାଷୀଙ୍କ ତାଲିମ ଶିବିର ଅନୁଷ୍ଠିତ ।
ଫାର୍ମ ପୋଖରୀରେ ମାଛ ଚାଷ”, ମହିଳା ସ୍ଵୟଂ ସହାୟକ ଗୋଷ୍ଠୀ ତାଲିମ ଶିବିର ରେ ଚାଷୀ ମାନେ କିପରି ଭାବରେ ବୈଜ୍ଞାନିକ ପଦ୍ଧତିରେ ମାଛ ଚାଷକୁ ଅବଲମ୍ବନ କରି ନିଜକୁ ସ୍ୱାବଲମ୍ବୀ କରିପାରିବେ ତାହା ସ୍ଥିରୀକୃତ କରାଯାଇଥିଲା । ପଦ୍ମପୁର ବ୍ଲକର ମୁଖ୍ୟ ମତ୍ସ୍ୟ ଅଧିକାରୀ ଏବଂ ମ।ସ୍ ର କର୍ମକର୍ତ୍ତା ଉପସ୍ଥିତ ରହି ଚାଷୀ ମାନଙ୍କୁ ମାଛଚାଷ ସମ୍ବନ୍ଧରେ ତାଲିମ ପ୍ରଦାନ କରିଥିଲେ ।
ଏହି ପ୍ରଶିକ୍ଷଣର ମୁଖ୍ୟ ଉଦ୍ଦେଶ୍ୟ ଥିଲା ଜିଲ୍ଲାରେ ବୈଜ୍ଞାନିକ ପଦ୍ଧତିରେ ମାଛ ଚାଷ ଅବଲମ୍ୱନ କରି, ଚାଷୀ ନିଜର ଜୀବିକାକୁ ସ୍ୱାବଲମ୍ୱୀ କରି ପାରିବେ । ମାଛଚାଷ ସମ୍ବନ୍ଧରେ ଟିକିନିଖି ଖବର ପାଇ ଏହାକୁ ମାଛଚାଷ କ୍ଷେତ୍ରରେ ପ୍ରୟୋଗ କରିବେ ବୋଲି ଚାଷୀମାନେ କହିଛନ୍ତି । ଏହି କାର୍ଯ୍ୟକ୍ରମଟି ଆଇ.ଟି. ସି ଏବଂ ମାସ୍ ର ଆନୁକୁଲ୍ୟରେ ତ୍ୱରାନ୍ୱିତ ହୋଇଥିଲା ।