ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର,ତା-(୧/୯) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ନାରାୟଣପୁର ପଞ୍ଚାୟତର ଦୁଲଦୁଲିଗୁଡା ନିକଟସ୍ଥ ରାସ୍ତାରେ ବିରାଟ ବଡ ଗଛ ପଡି ରାସ୍ତା ଅବରୋଧ ହୋଇଥିବା ଦେଖିବାକୁ ମିଳିଛି ।
ଦୁଲଦୁଲିଗୁଡା ଠାରୁ କେନ୍ଦୁଗୁଡା ଗାଁକୁ ସଂଯୋଗ କରୁଥିବା ପ୍ରଧାନ ମନ୍ତ୍ରୀ ସଡକ ଯୋଜନା ରାସ୍ତା ପାର୍ଶ୍ୱରେ ଥିବା ପୁରୁଣା ଆମ୍ବ ଗଛ ବର୍ଷା ପବନ ନଥାଇ ମଧ୍ୟ ଗଛ ପଡି ରାସ୍ତା ଅବରୋଧ ହୋଇଛି । ଏହାକୁ ନେଇ ଅଞ୍ଚଳ ବାସୀ ଅଗ୍ନିଶମ ବିଭାଗ କୁ ଖବର ଦେଇଥିଲେ । ଅଗ୍ନିଶମ ବିଭାଗ ଦୁଲଦୁଲିଗୁଡା ନିକଟସ୍ଥ ରାସ୍ତାରେ ପହଞ୍ଚି ଗଛ କାଟି ଦେଇ ଚାଲି ଆସିଥିଲେ । ରାସ୍ତାରୁ ଗଛ ହଟାଇବାକୁ ହେଲେ ଜେସିବି ର ଆବଶ୍ୟକତା ରହିଛି ବୋଲି ଅଞ୍ଚଳର ଲକ୍ଷ୍ମୀ ନାରାୟଣ ପୂଜାରୀ, ଗଣାପତି ପୂଜାରୀ, ସୁରେସନ ପାତ୍ର,ଏ ନଗରାଜୁ କହିଛନ୍ତି ।
ଉକ୍ତ ରାସ୍ତାରେ ଜାତୟତରେ ବାଧା ସୃଷ୍ଟି ହେଉଛି । ଯଦି କୌଣସି ଗର୍ଭବତୀ ପ୍ରସବ ପାଇଁ ଯନ୍ତ୍ରଣା ହୁଏ ତେବେ ସେହି ରାସ୍ତା ଦେଇ କୌଣସି ଗାଡି ଯିବାର ସମ୍ଭାବନା ନାହିଁ। ତେଣୁ ଉକ୍ତ ଗଛ କୁ ତୁରନ୍ତ ରାସ୍ତା ରୁ ହଟାଇବାକୁ କେନ୍ଦୁଗୁଡା ଓ ଦୁଲ ଦୁଲି ଗୁଡା ଗ୍ରାମ ବାସୀ ଅଭିଯୋଗ କରିଛନ୍ତି।