ରିପୋର୍ଟ : ଜିଲ୍ଲାପ୍ରତିନିଧି ଗୋପୀନାଥ ଗୌଡ଼
ରାୟଗଡା,(୦୫/୦୯) : ରାୟଗଡା ଜିଲ୍ଲା ପୋଲିସ ପ୍ରଶାସନ ତରଫରୁ ମୁନିଗୁଡା ଥାନା ତଥା ଡାଙ୍ଗସରଡ଼ା ଫାଣ୍ଡି ଅନ୍ତର୍ଗତ ଦିଲାଗୁଡ଼ି ବିଦ୍ୟାଳୟ ପରିସରରେ ଗଞ୍ଜେଇ ଚାଷ ବିରୁଦ୍ଧରେ ପୋଲିସର ସଚେତନତା କାର୍ଯ୍ୟକ୍ରମ ଅନୁଷ୍ଠିତ l
ମୁନିଗୁଡା ଥାନା ଅଧିକାରୀ ସୁଜ୍ଞାନୀ ସାହୁଙ୍କ ନେତୃତ୍ୱରେ ଦିଲାଗୁଡ଼ି ବିଦ୍ୟାଳୟ ପରିସରରେ ଅନୁଷ୍ଠିତ ସଚେତନତା କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଏସଡ଼ିପିଓ ଆକାଶ ଚନ୍ଦ୍ର ସାହୁ ଓ ସମ୍ମାନିତ ଅତିଥିଭାବେ ଚନ୍ଦ୍ରପୁର ତହସିଲଦାର ଚିନ୍ମୟ ଦାସ ଯୋଗଦେଇ କାର୍ଯ୍ୟକ୍ରମର ଉଦଘାଟନ କରିଥିଲେ |
ଗଞ୍ଜେଇ ଚାଷ ଓ ବ୍ୟବହାର ଦ୍ୱାରା ସମାଜରେ ଘଟୁଥିବା ଅପରାଧିକ ଘଟଣା ଓ ଏଭଳି ଅପରାଧ ପାଇଁ ନ୍ୟାୟିକ ବ୍ୟବସ୍ଥା ମାଧ୍ୟମରେ ଗଞ୍ଜେଇ ଚାଷୀଙ୍କୁ ୧୦ବର୍ଷ ସଶ୍ରମ କାରାଦଣ୍ଡ ଓ ୧ଲକ୍ଷ ଟଙ୍କା ଜୋରିମାନା,ଗଞ୍ଜେଇ ମହଜୁଦ ରଖିବା,ଚାଲାଣ କରିବା କିମ୍ବା ଚାଲାଣରେ ସାହାଯ୍ୟ କରିବା ସାବ୍ୟସ୍ତ ହେଲେ ୨୦ବର୍ଷ ସଶ୍ରମ କାରାଦଣ୍ଡ ଓ ୨ଲକ୍ଷ ଟଙ୍କା ଜୋରିମାନା ଥିବା କହିବାସହ ଚାଷୀମାନଙ୍କୁ ଅର୍ଥକାରୀ ପରିବା ଚାଷ ପାଇଁ ଆଗ୍ରହ କରାଯିବା ସହ ସ୍ୱାଭିମାନର ସହ ବଞ୍ଚିବାକୁ ପରାମର୍ଶ ଦେବାସହ ଉପସ୍ଥିତ ଛାତ୍ରଛାତ୍ରୀ,ଚାଷି ଓ ଜନସାଧାରଣଙ୍କୁ ବୁଝାଇଥିଲେ l
ଅନ୍ୟ ମାନଙ୍କ ମଧ୍ୟରେ କ୍ଷୁଦ୍ର ଜଳ ସେଚନର ଏସଡ଼ିଓ ମନୋରଞ୍ଜନ ହାଁସଦା,ମାତ୍ସ୍ୟ ସମ୍ପ୍ରସାରଣ ଅଧିକାରୀ କାହ୍ନୁ ଚରଣ ମୁଖି,କୃଷି ବିଭାଗ ରଜନୀ ମିଶ୍ର,ଉଦ୍ୟାନ ବିଭାଗ ଅଶୋକ କୁମାର ସେଠୀ ଓ ଉଠା ଜଳ ସେଚନର ହିକକା ରଥ ପ୍ରମୁଖଙ୍କ ସମେତ ଅନ୍ୟାନ୍ୟ ବିଭାଗର ଅଧିକାରୀ ମାନେ ଯୋଗଦେଇ ନିଜ ନିଜ ବିଭାଗ ଯୋଜନା ଉପରେ ଉପସ୍ଥିତ ଜନ ସାଧାରଣଙ୍କୁ ବୁଝାଇଥିଲେ l
ଏହି ଅବସରରେ ଉପସ୍ଥିତ ଚାଷୀମାନ ଓ ଜନ ସାଧାରଣଙ୍କୁ ଅର୍ଥକାରୀ ପରିବା ଚାଷ ସହ ବିଭିନ୍ନ ଯୋଜନା ଗୁଡିକୁ ଭିଡିଓ ଚିତ୍ର ମାଧ୍ୟମରେ ପ୍ରଦର୍ଶନୀ କରାଯାଇଥିଲା l ଶେଷରେ ସ୍ଥାନୀୟ ସରପଞ୍ଚ ଏହି କାର୍ଯ୍ୟକ୍ରମ ପାଇଁ ସମସ୍ତ ପୋଲିସ ଅଧିକାରୀଙ୍କୁ ଓ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଦେଇଥିଲେ l