ରିପୋର୍ଟ : ରାକେଶ ମହାରଣା
କୋଦଳା,(୦୯/୦୯) : ବେଗୁନିଆପଡା ଫାଣ୍ଡିର ନୂତନ ଫାଣ୍ଡି ଅଧିକାରୀ ଭାବେ ଆଜି ସଂଗ୍ରାମ ଦେହୁରୀ ଯୋଗ ଦେଇଛନ୍ତି । ନୂତନ ଦାୟିତ୍ୱକୁ ନେଇ ଉତ୍ସାହିତ ଥିବା କହିଛନ୍ତି ଦେହୁରୀ ।
ସେ ଏହା ପୂର୍ବରୁ ରମ୍ଭା ଥାନାରେ ସବ ଇନ୍ସପେକ୍ଟର ଭାବେ କାର୍ଯ୍ୟ କରୁଥିଲେ । ଦାୟିତ୍ୱ ଗ୍ରହଣ ପରେ ଅପରାଧିକ କାର୍ଯ୍ୟକଳାପ ତଥା ଆଇନଶୃଙ୍ଖଳା ପରିସ୍ଥିତି ନିୟନ୍ତ୍ରଣକୁ ପ୍ରାଥମିକତା ଦିଆଯିବ ବୋଲି ଶ୍ରୀଯୁକ୍ତ ଦେହୁରୀ ପ୍ରକାଶ କରିଛନ୍ତି । ଅନ୍ୟପଟେ ବେଗୁନିଆପଡା ଫାଣ୍ଡିର କାର୍ଯ୍ୟରତ ଫାଣ୍ଡି ଅଧିକାରୀ ଦେବଦତ୍ତ ପ୍ରିୟଦର୍ଶୀ ଙ୍କୁ ହୁମା ଫାଣ୍ଡି ଅଧିକାରୀ ରୂପେ ବଦଳି କରାଯାଇଛି ।