ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୩/୧୧) : ଆଜି ରାୟଗଡା ଜିଲ୍ଲା ଗୁଣପୁର ସଦର ମହକୁମା ସ୍ଥିତ ସ୍ଥାନୀୟ ରାମେଶ୍ବର ନଗର ସ୍ଥିତ ମହାତ୍ମା ଗାନ୍ଧୀ ଇଂଟର ନେସନାଲ ପବ୍ଲିକ ସ୍କୁଲ୍ରର ଅଷ୍ଟମ ବାର୍ଷିକ କ୍ରୀଡ଼ା ମହୋତ୍ସବ ଗୁରୁବାର ଦିନ ସ୍ଥାନୀୟ ମିନି ଷ୍ଟାଡିୟମ ଠାରେ ଉଦଘାଟିତ ହୋଇ ଯାଇଛି ।
ପ୍ରଭାତରେ ପ୍ରଥମେ ସ୍ଥାନୀୟ ତ୍ରିନାଥ ମନ୍ଦିର ରୁ ମଶାଲ ଧରି ଏକ ଶୋଭାଯାତ୍ରାରେ ମିନି ଷ୍ଟାଡିୟମ ଠାରେ ପହଞ୍ଚି ଥିଲେ । ଏହି ଅବସରରେ ପିଲାମାନେ ପ୍ରଥମେ ନିମନ୍ତ୍ରିତ ଅତିଥି ଙ୍କୁ ବନ୍ଦାପନା କରିଥଲେ । ଗୁଣୁପୁର ଆଦର୍ଶ ଥାନା ଆଇ ଆଈ ସି ଉତ୍ତମ କୁମାର ସାହୁ ମୂଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଅବସର ପ୍ରାପ୍ତ ଗୁଣୁପୁର ମହାବିଦ୍ୟାଳୟ ର କ୍ରୀଡ଼ା ଅଧ୍ୟାପକ ଶ୍ରୀ ଦେବ ପ୍ରସାଦ ପାଢ଼ୀ ସମ୍ମାନୀୟ ଅତିଥି ରୂପେ ଯୋଗ ଦେଇ ଏହି କ୍ରୀଡ଼ା ଉତ୍ସବକୁ ଉଦ୍ଘାଟନ କରିଥିଲେ । ବିଦ୍ୟାଳୟର ପରିଚାଳନା କମିଟି ପକ୍ଷରୁ ଶ୍ରୀଯୁକ୍ତ ରାଜେଶ କୁମାର ପଣ୍ଡା, ବ୍ରଜ ସୁନ୍ଦର ପାଢ଼ୀ, ସନ୍ତୋଷ କୁମାର ଗୁରୁ ଓ ଲୋକନାଥ ମିଶ୍ର ଯୋଗ ଦେଇଥିଲେ । ଏହି ଅବସରରେ ଅଧ୍ୟକ୍ଷା ଶ୍ରୀମତୀ ମିନାକ୍ଷୀ ସାହୁ ପ୍ରଥମେ ସ୍ଵାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ । ସେ ତାଙ୍କ ଅଭିଭାଷଣରେ ପିଲାମାନଙ୍କୁ କ୍ରୀଡ଼ାର ମହତ୍ ଉଦ୍ଦେଶ୍ୟ ବିଷୟରେ କହିଥିଲେ । ସେହିପରି ମୂଖ୍ୟ ଅତିଥି କ୍ରୀଡାରେ ଅଂଶ ଗ୍ରହଣ କରିବା ପାଇଁ ଅଭିଭାବକ ମାନେ ପିଲାମାନଙ୍କୁ ଉତ୍ସାହିତ କରିବା ଉଚିତ ,ଏହା ଶାରୀରିକ ଓ ମାନସିକ ସ୍ଵାସ୍ଥ୍ୟ ପାଇଁ ନିତାନ୍ତ ଆବଶ୍ୟକ ବୋଲି କହିଥିଲେ ।
ବିଦ୍ୟାଳୟର ପରିଭାଷା କହିବାକୁ ଯାଇ ଛାତ୍ରଛାତ୍ରୀଙ୍କୁ କହିଥିଲେ ପାଠପଢ଼ା ସହିତ ସବୁ କ୍ଷେତ୍ରରେ ଦକ୍ଷତା ପ୍ରଦର୍ଶନ ପାଇଁ ବିଦ୍ୟାଳୟ ଏକ ପ୍ରମୁଖ ସ୍ଥାନ ଅଟେ ତେଣୁ ଛାତ୍ର ଛାତ୍ରୀ ମାନେ ସବୁ କ୍ଷେତ୍ରରେ ଆଗୁଆ ହେଲେ ଭବିଷ୍ୟତରେ ଦେଶ ପାଇଁ ସମ୍ମାନ ଆଣିବ । ସେହିପରି ସମ୍ମାନିତ ଅତିଥି ଶ୍ରୀଯୁକ୍ତ ପାଢ଼ୀ ପିଲାଙ୍କୁ ଖେଳ କୁଦର ମହତ୍ତ୍ଵ ବିଷୟରେ କହି ପିଲାଙ୍କ ତଥା ମଣିଷ ଜୀବନରେ ପ୍ରତ୍ୟେକ ବ୍ୟକ୍ତି ନିଜ ଦୈନଦିନ ଜୀବନରେ ଖେଳ ତଥା ବ୍ୟାୟାମ କରିବା ନିତାନ୍ତ ଆବଶ୍ୟକ ବୋଲି କହିଥିଲେ । ପରିଚାଳନା କମିଟି ପକ୍ଷରୁ ଶ୍ରୀଯୁକ୍ତ ରାଜେଶ କୁମାର ପଣ୍ଡା ପିଲାଙ୍କୁ ଏହି କ୍ରୀଡ଼ା ଉତ୍ସବ ପାଇଁ ଛାତ୍ର ଛାତ୍ରୀ ମାନଂକ ମନରେ ଉତ୍ସାହ ଜନ୍ମାଇବା ସହ ଶୁଭେଚ୍ଛା ଓ ଆଶୀର୍ବାଦ ଜ୍ଞାପନ କରିଥିଲେ ।
ଏହି ଅବସରରେ ସ୍ଥାନୀୟ ବନ୍ଧନ ବ୍ୟାଙ୍କ୍ ପକ୍ଷରୁ ଆୟୋଜିତ ହୋଇଥିବା ଚିତ୍ର ପ୍ରତିଯୋଗୀତାରେ କୃତୀ ଛାତ୍ର ଛାତ୍ରୀ ଙ୍କୁ ନିମନ୍ତ୍ରିତ ଅତିଥି ଙ୍କ ଦ୍ଵାରା ପ୍ରମାଣ ପତ୍ର ସହ ଉପହାର ପ୍ରଦାନ କରଯାଇଥିଲା । ଏହି ଉତ୍ସବ ତିନି ଦିନ ଧରି ଚାଲିବ ଏବଂ ଏଥିରେ ବିଦ୍ୟାଳୟର ଅଧ୍ୟୟନରତ ନର୍ସରୀ ଠାରୁ ସପ୍ତମ ଶ୍ରେଣୀ ପର୍ଯ୍ୟନ୍ତ ପ୍ରାୟ ୪୦୦ ଛାତ୍ର ଛାତ୍ରୀ ଅଂଶ ଗ୍ରହଣ କରୁଥିବା ଅଧ୍ୟକ୍ଷା ଶ୍ରୀମତୀ ସାହୁ ପ୍ରକାଶ କରିଥିଲେ । ଆଜିର ଏହି କାର୍ଯ୍ୟକ୍ରମ, ଅଧ୍ୟକ୍ଷା ଶ୍ରୀମତୀ ସାହୁଙ୍କ ନେତୃତ୍ୱ ଓ ପ୍ରାସାସନିକ ଅଧିକାରୀ ଶ୍ରୀଯୁକ୍ତ ରାଜେନ୍ଦ୍ର କୁମାର ପାତ୍ରଙ୍କ ନିର୍ଦ୍ଦେଶରେ ଶିକ୍ଷକ ତପନ କୁମାର ନାୟକ, ମନସ୍ଵିନୀ ବାଉରୀ, ଅନୁରାଧା ମଣ୍ଡଳ, ସପ୍ନା ସିଂ ପ୍ରମୁଖ ମଞ୍ଚ ପରିଚାଳନା କରିଥିବା ବେଳେ ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ମାନେ ସହଯୋଗ କରିଥିଲେ ।