ରିପୋର୍ଟ : ରଞ୍ଜିତ ବେହେରା //
ଢେଙ୍କାନାଳ,(୧୧/୦୯) : ଓଡିଶା ସୀମାରେ ଆନ୍ଧ୍ର ମନ୍ତ୍ରୀଙ୍କର ଦବାଙ୍ଗଗିରିକୁ ବିରୋଧ କରି ଆଜି ଓଡିଶା ପ୍ରଗତି ଦଳର ରାଜ୍ୟ କାର୍ଯ୍ୟକାରୀ ସଭାପତି ଗିରିଜା ପ୍ରସାଦ ମହାନ୍ତି ଢେଙ୍କାନାଳର ଟାଉନ ଥାନାରେ ଏକ ମାମଲା ରୁଜୁ କରିଛନ୍ତି ।
ବିଗତ ଅତୀତରେ ଗଜପତି ଜିଲ୍ଲାର ଗଙ୍ଗାବାଳ ସୀମାରେ ପଶ୍ଚିମ ଓଡ଼ିଶାର ଅଧିକାରୀଙ୍କୁ ଓଡିଶା ସୀମାରେ ଆନ୍ଧ୍ର ର ମନ୍ତ୍ରୀ ମହୋଦୟ ଶ୍ରୀ ଅପାଲୁ ରାଜ ନାଲି ଆଖି ଦେଖେଇ ହତ୍ୟା ଧମକ ଦେବା , ଗାଳି ଗୁଲଜ କରିବା ଓ ସେଠାକାର ଅଙ୍ଗନବାଡ଼ି କେନ୍ଦ୍ରକୁ ଭାଙ୍ଗି ଦେବା ଆଦି ଧମକ ଦେବା ସହ ବିଭିନ୍ନ ପ୍ରକାରର କଟୁ ମନ୍ତବ୍ୟ ପ୍ରଦାନ କରିଛନ୍ତି , ଯାହାକି ସଂପୂର୍ଣ ବେଆଇନ୍ ଓ ଅଗଣତାନ୍ତ୍ରୀକ ଅଟେ ।
ତେଣୁ ଏଥି ପାଇଁ ଓଡ଼ିଶା ପ୍ରଗତି ଦଳର ରାଜ୍ୟ କାର୍ଯ୍ୟକାରୀ ସଭାପତି ହିସାବରେ ଶ୍ରୀଯୁକ୍ତ ମହାନ୍ତି ଓଡ଼ିଶାର ସ୍ବାଭିମାନ ଓ ସୀମାର ସୁରକ୍ଷା, ଓଡ଼ିଶା ଭିତରେ ପଶି ଯେଉଁ ଆଇନ୍କୁ ହାତକୁ ନେବା ସହ ଗଣତନ୍ତ୍ର ବିରୋଧି ମନ୍ତବ୍ୟ ପ୍ରଦାନ କରିବାର ଯେଉଁ ଆଚରଣ କରିଛନ୍ତି ତା’ର ବିଧିବଦ୍ଧ ତଦନ୍ତ କରି ଦୋଷି ମନ୍ତ୍ରୀ ଅପାଲୁ ରାଜ ଓ ତାଙ୍କର ସହଯୋଗୀଙ୍କ ବିରୋଧରେ ଫୌଜଦାରୀ ମକଦ୍ଦମା ଦାୟର କରି ତାଙ୍କୁ ତୁରନ୍ତ ଗିରଫ କରିବାକୁ ଅଭିଯୋଗରେ ଲେଖିଛନ୍ତି ।
ତାଙ୍କର ଏହି ଏତଲାର ନକଲ ଜାତୀୟ ମାନବାଧିକାର କମିଶନ, ଜାତୀୟ ନିର୍ବାଚନ ଅଧିକାରୀ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜିଙ୍କୁ ପଠେଇଛନ୍ତି । ଏତଲା ଦେବା ସମୟରେ ତାଙ୍କ ସହ ଜିଲ୍ଲା ଓଡିଶା ପ୍ରଗତିଦଳର ସଭାପତି ପ୍ରତାପ କୁମାର ପଣ୍ଡା, ଅନ୍ୟ ସଦସ୍ୟ ନୁରୂଲ ଇସଲାମ ଏବଂ ସନ୍ତୋଷ କୁମାର ସାହୁ ପ୍ରମୁଖ ଉପସ୍ଥିତ ଥିଲେ ।