ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଜଗତସିଂହପୁର, (୦୨/୦୩) : କୁଜଙ୍ଗକୁ ଏନ୍ଏସି ର ମାନ୍ୟତା ଦାବିରେ ଆଜି ୧୨ ଘଣ୍ଟିଆ କୁଜଙ୍ଗ ବନ୍ଦ ।
ରାଜ୍ୟ ସରକାର ୩୪ ଟି ଅଞ୍ଚଳକୁ ଏନ୍ଏସି ମାନ୍ୟତା ପ୍ରଦାନ କରିଥିବା ବେଳେ ଜଗତସିଂହପୁର ଜିଲ୍ଲାର କୁଜଙ୍ଗ ପରି ଐତିହ୍ୟ ସମ୍ପନ୍ନ ତଥା ଗ୍ରାମୀଣ ସହର ଅହମ୍ମଦାବାଦହରକୁ ବାଦ୍ ଦେବା ଘଟଣା କୁଜଙ୍ଗବାସୀଙ୍କ ମନରେ ବେଶ୍ ପ୍ରତିକ୍ରିୟା ସୃଷ୍ଟି କରିଛି । କୁଜଙ୍ଗରେ ବହୁ ଗୁରୁତ୍ବପୂର୍ଣ୍ଣ କାର୍ଯ୍ୟାଳୟ ସହ ଏକାଧିକ ସରକାରୀ କାର୍ଯ୍ୟାଳୟ ରହିଛି । ଶହେ ବର୍ଷର ଐତିହ୍ୟ ସମ୍ପନ୍ନ କୁଜଙ୍ଗ ବନବିହାରୀ ଉଚ୍ଚ ବିଦ୍ୟାଳୟ, ଚିକିତ୍ସା କେନ୍ଦ୍ର,ବଡ଼ବଜାର ପୁରୁଣା ହାଟ ବହୁ ସାଂସ୍କୃତିକ ଓ ଐତିହାସିକ ଘଟଣାବଳୀର ମୂକସାକ୍ଷୀ କୁଜଙ୍ଗକୁ ଉପେକ୍ଷା କରାଯିବା ନେଇ ଦଳମତରୁ ଉର୍ଦ୍ଧ୍ବରେ ରହି କୁଜଙ୍ଗର ସାଧାରଣ ଜନତା ଏହି ପ୍ରତିବାଦରେ ସାମିଲି ହୋଇଛନ୍ତି । ପୂର୍ବରୁ ତହସିଲଦାରଙ୍କ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ 5T ସଚିବ ଭି.କେ ପାଣ୍ଡିଆନ୍ଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଥିଲେ । ଆଜି ସକାଳ ୬ ଘଟିକା ଠାରୁ ସନ୍ଧ୍ୟା ୬ ଘଟିକା ପର୍ଯ୍ୟନ୍ତ ଏହି ବନ୍ଦ ପାଳନ କରାଯାଉଛି ।