ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୩୧/୦୩) : ତୁଳସୀ ଦୁଇ ପତ୍ରରୁ ବାସିଲା ଭଳି ଓଡ଼ିଶୀ ନୃତ୍ୟ କଳାରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି ଆଂଶିକା ପାଳ ।
ରାୟଗଡା ସହର ବ୍ରାହ୍ମଣ ସାହିରେ ସେ ନିଜ ଵାବା ବୋଉଙ୍କ ସହିତ ରହନ୍ତି । ସ୍ଥାନୀୟ ବଚପନ୍ ସ୍କୁଲର କ୍ଲାସ ୨ ରେ ସେ ପାଠ ପଢନ୍ତି । ମାତ୍ର ୭ ବର୍ଷ ବୟସରେ ଆଂଶିକା ପାଳଙ୍କ ଓଡ଼ିଶୀ ନୃତ୍ୟ ପ୍ରତି ଥିବା ଆଗ୍ରହ ଏଵଂ ଲୁକ୍କାୟିତ ପ୍ରତିଭାକୁ ଦେଖି ସ୍କୁଲର ଶିକ୍ଷକ ଶିକ୍ଷୟତ୍ରୀ ପ୍ରଶଂସା କରିବା ସହିତ ସ୍ଥାନୀୟ ବାସିନ୍ଦା ମଧ୍ଯ ବହୁତ ବହୁତ୍ ପ୍ରସଂସା କରୁଥିବା ଦେଖିବାକୁ ମିଳିଛି । ଆଂଶିକା ପାଳଙ୍କ ବାପା ଗୋପିନାଥ ପାଳଙ୍କର ମଧ୍ଯ ନାଟ୍ୟ କଳା ପ୍ରତି ଥିବା ଆଗ୍ରହ ତାଙ୍କୁ ରାୟଗଡା ସହର ରେ ଏକ କଳାକାର ଭାବେ ଯଥେଷ୍ଠ ସମ୍ମାନ ରହିଛି । ତତ ସହିତ ରାୟଗଡ଼ ଜିଲ୍ଳାର ସଚେତନତା ଜନ ଜାଗୃତି କାର୍ଯ୍ୟକ୍ରମରେ ଚିତ୍ରାଙ୍କନ ମାଧ୍ୟମରେ ନିଜର କଳା ପ୍ରଦର୍ଶନ କରିଥିବାର ଦେଖିବାକୁ ମିଳେ ଗୋପୀନାଥ ପାଳଙ୍କୁ । ଆଂଶିକା ପାଳଙ୍କ ମା ଶାନ୍ତିଲତା ପାଳ ଓଡିଶୀ ନୃତ୍ୟକୁ ଭଲ ପାଆନ୍ତି ସେ ଚାହାନ୍ତି ଓଡ଼ିଶା ଏକ ସଂସ୍କୃତି ପରମ୍ପରା ଓ ନାଟ୍ୟ କଳା ସହିତ ଓଡିଶୀ ନୃତ୍ୟ ଓଡ଼ିଶାର ଗର୍ବ ଓ ଗୌରବ ଅଟେ ।
ତେଣୁକରି ସେ ନିଜ ଝିଓଙ୍କୁ ଆଧୁନିକ ନାଟ୍ୟ ଗୀତରୁ ଦୂରେଇ ରଖି ଓଡ଼ିଶା କଳା ସଂସ୍କୃତି ପରମ୍ପରା ଆପଣେଇ ଚଳିବା ଉପଯୋଗି ଅଟେ ବୋଲି ମତ ଦେଇଛନ୍ତି । ନିକଟରେ ଆଂଶିକା ପାଳ ବିଜୁ ପଟ୍ଟନାୟକ ଓଡ଼ିଟରୀୟମ ଠାରେ ହୋଇଥିବା ବଚପନ୍ ସ୍କୁଲ ର ବାର୍ଷିକ ଉତ୍ସବରେ ମଞ୍ଚ ଉପରେ ନିଜର ନୃତ୍ୟ କଳା ପ୍ରଦର୍ଶନ ଦ୍ଵାରା ସମସ୍ତଙ୍କୁ ଚକିତ କରିବା ସହ ଉପସ୍ଥିତ ଅଭିଭାବକ ଏବଂ ଦର୍ଶକ ମାନଙ୍କ ପ୍ରଶଂସା ସାଉଁଟିଛନ୍ତି । ଆଂଶିକା ପାଳ ଓଡ଼ିଶୀ ନୃତ୍ୟ ଅତି କମ ବୟସ୍କ ହୋଇଥିବା ସତ୍ତ୍ବେ କମ୍ ସମୟ ମଧ୍ୟରେ ଅତିଶୀଘ୍ର ଶିଖି ଯାଉଛନ୍ତି ବୋଲି ନୃତ୍ୟଗୁରୁ କାଳିଆ ସାହୁ ମତ ଦେଇଛନ୍ତି । ଏହିଭଳି ଆଗ୍ରହ ଓ ଉତ୍ସାହ ଆଗାମୀ ଦିନରେ ଆଂଶିକା ଙ୍କୁ ଜାତୀୟ ସ୍ତରରେ ପ୍ରଶଂସିତ ହେବାକୁ ସମୟ ଲାଗିବ ନାହିଁ ବୋଲି କହିଛନ୍ତି।