ରିପୋର୍ଟ : ବିଭୂତି ଲହରିଆ
ବାଲିଗୁଡା, (୧୫/୪) : ବାଲିଗୁଡା ନିର୍ବାଚନ ମଣ୍ଡଳୀ ରେ ବିଧାୟକ ପାର୍ଥି ବଦଳେଇଲା କଂଗ୍ରେସ l ପୂର୍ବ ରୁ ସୁରଦା ପ୍ରଧାନ ଙ୍କୁ କଂଗ୍ରେସ ର ବିଧାୟକ ପାର୍ଥି ଭାବେ ଟିକେଟ ପ୍ରଦାନ କରାଯାଇଥିଲା l
କିନ୍ତୁ ପୁନଃ ସୁରଦା ପ୍ରଧାନଙ୍କ ସ୍ଥାନରେ ଉପେନ୍ଦ୍ର ପ୍ରଧାନ ଙ୍କୁ ଟିକେଟ ପ୍ରଦାନ କରିଛି କଂଗ୍ରେସ l ସୁରଦା ଙ୍କୁ ଟିକେଟ ପ୍ରଦାନ କରାଯିବା ନେଇ କୁଇ ସମାଜ ଓ କଂଗ୍ରେସ କର୍ମୀ ବିରୋଧ କରିଥିଲେ l ବର୍ତମାନ ସୁରଦା ଙ୍କ ଟିକେଟ ପ୍ରତ୍ୟାହାର ପରେ ଉପେନ୍ଦ୍ର ଙ୍କୁ ଟିକେଟ ପ୍ରଦାନ କରାଯିବା ନେଇ କଂଗ୍ରେସ ମହଲ ରେ ଖୁସି ର ଲହରୀ ଖେଳିଯାଇଛି l ଉପେନ୍ଦ୍ର ଙ୍କୁ ଟିକେଟ ମିଳିବା ପରେ ବିଭିନ୍ନ ଅଂଚଳ ରେ ମିଠା ବାଣ୍ଟିବା ସହ ବାଣ ଫୁଟେଇ ସେଲିବ୍ରେଟ କରିଛନ୍ତି କଂଗ୍ରେସ କର୍ମୀ l ଉପେନ୍ଦ୍ର ଙ୍କୁ ଟିକେଟ ପ୍ରଦାନ କରାଯିବା ନେଇ ଜିଲ୍ଲା କଂଗ୍ରେସ ସଭାପତି ଚନ୍ଦ୍ର ଶେଖର ପରିଡା, ରାଜ୍ୟ ସଭାପତି ଶରତ ପଟ୍ଟନାୟକ ଙ୍କୁ କୃତଜ୍ଞତା ଜଣେଇଛନ୍ତି କଂଗ୍ରେସ କର୍ମୀ l
ସେହିପରି ନିଜ ଗ୍ରାମ ସାରଙ୍ଗଡ଼ ରେ ଉପେନ୍ଦ୍ର ପ୍ରଧାନ ନିଜ ସମର୍ଥକ ଗ୍ରହଣ ରେ ଏକ ପଦ ଯାତ୍ରା ରେ ବାହାରି ସାରଙ୍ଗଡ଼ ବଜାର ଓ ସାହି ବୁଲି ଗୁରୁଜନ ମାନଙ୍କ ଠାରୁ ଆଶୀର୍ବାଦ ଭିକ୍ଷା କରିଥିଲେ | ଏବଂ ରାଧାକୃଷ୍ଣ ମନ୍ଦିର ରେ ପୂଜା ଅର୍ଚନା କରି କଂଗ୍ରେସ କର୍ମୀ ଙ୍କ ଗ୍ରହଣ ରେ ଭୋଟ ପାଇଁ ନିଜ ସମର୍ଥକ ମାନଙ୍କୁ ଭେଟି ଆଗାମୀ ନିର୍ବାଚନ ପାଇଁ ରଣନୀତି ପ୍ରସ୍ତୁତ କରିଛନ୍ତି l ବାଲିଗୁଡା ନିର୍ବାଚନ ମଣ୍ଡଳୀ ର ବିଭିନ୍ନ ବ୍ଲକ ରୁ ଉପେନ୍ଦ୍ର ପ୍ରଧାନ ଙ୍କୁ ଶୁଭେଚ୍ଛା ଜଣାଇବା ସହିତ ସ୍ୱାଗତ ସମ୍ବର୍ଦ୍ଧନା ଜଣାଇଛନ୍ତି ଦଳୀୟ କଂଗ୍ରେସ କର୍ମୀ l