ରିପୋର୍ଟ : ସୁନୀଲ ଆଚାର୍ଯ୍ୟ
ବଲାଙ୍ଗୀର, ତା(୦୧/୦୮) : ବଲାଙ୍ଗୀର ଜିଲ୍ଲା ଓଡ଼ିଶାର ଗଞ୍ଜାମ ତୁଳନାରେ ଏଚ.ଆଇ.ଭି./ଏଡ୍ସ ଆକ୍ରାନ୍ତ ଙ୍କ ସଂଖ୍ୟା କୁ ନେଇ ଅତୀତରେ ରେଡ଼ ଜୋନ ଘୋଷିତ ହୋଇ ସ୍ୱତନ୍ତ୍ର ଟି.ଆଇ. ପ୍ରକଳ୍ପ କାର୍ଯ୍ୟକ୍ଷମ କରାଯାଇଥିବା ବେଳେ କାଗଜ କଲମ ରେ ଖୋଲା ଖୋଲି ଚାଲିଛି ଲକ୍ଷ ଲକ୍ଷ ଟଙ୍କା ହରିଲୁଟ ।
ଏଭଳି ଏକ ଜ୍ଵଳନ୍ତ ପ୍ରମାଣ ମିଳିଛି ଟିଟିଲାଗଡ଼ ସହର ସର୍ଗିଗୁଡା ରେ,ଘରେ ଜଣେ ଏଚ.ଆଇ.ଭି./ଏଡ୍ସ ଆକ୍ରାନ୍ତ ମାଆ ଙ୍କ ମୃତ୍ୟୁ ପରେ ଗତ ଦୁଇ ମାସ ହେଲା ବାପ,ପୁଅ ଗୁରୁତର ଅବସ୍ଥାରେ ନିଜ ଜୀବନ ଭିକ୍ଷା ମାଗୁଛନ୍ତି ।
ସାଇ ରେ ବାସନ୍ଦ ହୋଇ ଶଯ୍ୟାଶାୟୀ ଅବସ୍ଥାରେ ଉଭୟ ବାପା ଓ ପୁଅ ନିଜ ଚାଉଳକାର୍ଡ କୁ ବନ୍ଧା କରି ଜଣେ କ୍ୱାକ ଙ୍କୁ ଟଙ୍କା ଦେଇ ସାଲାଇନ ନେଇ ଥିବା ବେଳେ ଡାକ୍ତରଖାନାରେ ତାଙ୍କୁ ଭର୍ତ୍ତି ନ କରି ବଲାଙ୍ଗୀର ଯାଅ ବୋଲି କହି ତଡିଦେଇଥିବା କହିଛନ୍ତି ପୁଅ ସୁମନ ବାଗ(୩୦)ଛଦ୍ମନାମ ।
ତାଙ୍କ ପିତା ଜନେକ ବାଗ(୫୭) ବର୍ତ୍ତମାନ ହାତରେ ଖାଇବା କୁ ଟଙ୍କା ନ ଥିବା ବେଳେ କିଭଳି ଚିକିତ୍ସିତ ହେବାକୁ ବଲାଙ୍ଗୀର ଯିବେ ଦୟା କର ମୁଁ ମଲେ ଚାଲିବ ମୋ ପୁଅ କୁ ବଞ୍ଚାଇଦିଅ ବୋଲି ଗୁହାରି କରିଛନ୍ତି ।
ଅନ୍ୟ ପଟେ ଫୋନ ରେ ବାରମ୍ବାର ଜିଲ୍ଲା ଡି.ପି.ଏମ. ରାଜେନ୍ଦ୍ର ମହାରଣା ଓ ଅନ୍ୟ ସରକାରୀ ଅଧିକାରୀ ଙ୍କୁ ଜଣାଇବା ରୁ ଟିଟିଲାଗଡ଼ ର ଉକ୍ତ ସାଇ ଟି.ଆଇ. ପ୍ରକଳ୍ପ ର ଦୁଇ କର୍ମଚାରୀ ଘର ନିକଟକୁ ଯାଇ ଦୁଇଟି ମାସ୍କ ଓ ସେନିଟାଇଜର ଦେଇ ଫଟୋ ଉଠେଇ ଚାଲିଯାଇଥିଲେ ।
ଯଦି ଉକ୍ତ ଶଯ୍ୟାଶାୟୀ ଏଡ୍ସ ଆକ୍ରାନ୍ତ ଙ୍କୁ ତୁରନ୍ତ ଆବଶ୍ୟକ ଚିକିତ୍ସା ନ ମିଳେ ତେବେ ତାଙ୍କ ମୃତ୍ୟୁ ସୁନିଶ୍ଚିତ । ଏ ନେଇ ରାଜ୍ୟ ମୁଖ୍ୟ ଶାସନ ସଚିବ ନିଜେ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି ।