ରିପୋର୍ଟ : ଜିଲ୍ଲାପ୍ରତିନିଧି ଏ. ସତୀଶ //
ନବରଙ୍ଗପୁର, (୩୧/୦୮) : ନବରଙ୍ଗପୁର ପୌରାଞ୍ଚଳ ପରିଷଦ ପକ୍ଷରୁ ମଙ୍ଗଳବାର ସ୍ୱାୟତ୍ତ ଶାସନ ଦିବସ କୋଭିଡ୍ ଗାଇଡ୍ଲାଇନ ଅନୁପାଳନ ପୂର୍ବକ ପାଳିତ ହୋଇଯାଇଛି ।
ନବରଙ୍ଗପୁର ପୌରାଞ୍ଚଳ କାର୍ଯ୍ୟାଳୟର ବିଭିନ୍ନ ବିଭାଗ ର ଅଧିକାରୀ, ଯନ୍ତ୍ରୀଙ୍କ ସମେତ ସମସ୍ତ କର୍ମଚାରୀମାନେ ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ । ଏହି ଅବସରରେ ପୌର କାର୍ଯ୍ୟାଳୟ ପରିସରରେ ଅନୁଷ୍ଠିତ କାର୍ଯ୍ୟକ୍ରମରେ ପୌର କାର୍ଯ୍ୟାଳୟର ବଡ଼ବାବୁ ଯୁଗୋଳ ମିଶ୍ର ପତାକା ଉତ୍ତୋଳନ କରିଥିଲେ । ଏହି ଅବସରରେ ବଡ଼ ବାବୁ ଶ୍ରୀ ମିଶ୍ର ପୌରାଞ୍ଚଳ ର ସଫେଇ କର୍ମଚାରୀ ଓ ସ୍ୱଚ୍ଛ କର୍ମୀମାନଙ୍କୁ ପୋଷାକ ବିତରଣ କରିବା ସହ ସମ୍ମାନିତ କରିଥିଲେ ।
ଏହି କାର୍ଯ୍ୟକ୍ରମରେ ପୌରାଞ୍ଚଳର ଜ୍ୟୋତି ପରିଚ୍ଛା, ରାଜେଶ ତ୍ରିପାଠୀ , ଟୁନା ଦାସ , ଦୀପକ ବେହେରା , ସାନୁ ପ୍ରହରାଜ , ରଘୁ ଜାନି , ତ୍ରିନାଥ ଜାନି ସମେତ କାର୍ଯ୍ୟାଳୟ ର ବହୁ କର୍ମଚାରୀ ଉପସ୍ଥିତ ଥିଲେ ।