ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କନ୍ଧମାଳ, (୨୪/୦୩) : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ପୋଲିସକୁ ମିଳିଛି ବଡ଼ ସଫଳତା । ପୃଥକ୍ ପୃଥକ୍ ଦୁଇଟି ସ୍ଥାନରୁ ଗଞ୍ଜେଇ ଚୋରା ଚାଲାଣ ବେଳେ ଜବତ କରିଛି ଦାରିଙ୍ଗବାଡି ପୋଲିସ ।
ପ୍ରାପ୍ତ ସୂଚନା ପ୍ରକାରେ ଗତକାଲି ବିଶ୍ଵସ୍ତ ସୂତ୍ରରୁ ସୂଚନା ପାଇ ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ରଙ୍କ ନେତୃତ୍ୱରେ ପ୍ରଥମେ କିରୁକୁଟି ପଞ୍ଚାୟତ ଅନ୍ତର୍ଗତ ମୁଣ୍ଡାନାଜୁ ଗ୍ରାମ ନିକଟ ନାଳପାଖରୁ ୩ କୁଇଣ୍ଟାଲ ଗଞ୍ଜେଇ ଚୋରା ଚାଲାଣ କରିବାକୁ ରଖାଯାଇଥିଲା । ପୋଲିସ ତାହାକୁ ଜବତ କରିଛି । ସେହିଭଳି ବାଲିଗୁଡା ଠାରୁ ବ୍ରାହ୍ମଣୀଗାଁକୁ ଏକ ବାଇକରେ ୩ କିଲୋ ୫୦୦ ଗ୍ରାମ ଗଞ୍ଜେଇ ଚୋରା ଚାଲାଣ ବେଳେ ଭାଇ ଭଉଣୀଙ୍କୁ ଆମ୍ବ ଖାଲିଆ ବୁଲାଣିରେ ଧରି କାବୁ କରିଥିଲା ପୋଲିସ । ଦୁଇ ଭାଇ ଭଉଣୀ ତାଜୁଙ୍ଗିଆ ପଞ୍ଚାୟତ ଜାଡ଼ାଙ୍ଗୀ ଗ୍ରାମର ବୋଲି ଜଣାପଡିଥିବାବେଳେ ଭାଇ ନାବାଳକ ଥିବାବେଳେ ଭଉଣୀକୁ ଗିରଫ କରି କୋର୍ଟ ଚାଲାଣ କରାଯାଇଛି । ନାବାଳକ ସୁଧାର ଗୃହ କୁ ପଠା ଯାଇଛି ।