ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୧୬/୦୪) : ଗ୍ରାମ ରେ ସମସ୍ତେ ଚାନ୍ଦା କରି ନାଗାବଳୀ ନଦୀରେ କାଠ ପୋଲ ନିର୍ମାଣ କଲେ । ଶୁଣିଲାନି ପ୍ରଶାସନ ଚାନ୍ଦା ଆଦାୟ କରି ନିର୍ମାଣ କଲେ ନାଗାବଳୀ ନଦୀରେ କାଠ ପୋଲ ।
ଏହିଭଳି ଦୃଶ୍ୟ ଦେଖିବାକୁ ମିଳିଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଶିଙ୍ଗାରି ପଞ୍ଚାୟତର କାଙ୍ଗସିରି ଗ୍ରାମରେ । କାଙ୍ଗସିରି ଗ୍ରାମରେ ପ୍ରାୟ ୩୫ଘର ରହିଛନ୍ତି। ଶିଙ୍ଗାରି ପଞ୍ଚାୟତ ଓ କାଙ୍ଗସିରି ମଝିରେ ନାଗାବଳୀ ନଦୀ ବହିଯାଉଛି । ଉକ୍ତ ନଦୀ ଦେଇ ଗ୍ରାମର ମହିଳା ଓ ପୁରୁଷ ମାନେ ପ୍ରତ୍ୟେକ ଦିନ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଆଣିବା ସହିତ ପଞ୍ଚାୟତକୁ ବିଧବା ଭତ୍ତା, ବିକଳାଙ୍ଗ ଓ ବାର୍ଦ୍ଧକ୍ୟ ଭତ୍ତା , ଅଙ୍ଗନବାଡି କେନ୍ଦ୍ରଠାରୁ ଛତୁଆ, ଅଣ୍ଡା, ଛୋଟ ଛୋଟ ଶିଶୁଙ୍କୁ ନେଇ ଓଜନ କରାଇବା ସହିତ ଏହି ଗ୍ରାମର ପିଲାମାନେ ବିଦ୍ୟାଳୟକୁ ଯାଇଥାନ୍ତି । ଅନ୍ୟ ୠତୁରେ ନଦୀରେ ପଶି ଯାତାୟତ କରିଥାନ୍ତି । ବର୍ଷା ଋତୁ ଆସିଲେ କିମ୍ବା ଅଦିନିଆ ବର୍ଷା ହେଲେ ଭରା ନଦୀରେ ଯାତାୟତ କରିବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ନାଗାବଳୀ ନଦୀରେ ଏକ ପୋଲ ନିର୍ମାଣ କରିବା ପାଇଁ ପଞ୍ଚାୟତ ଓ ବ୍ଲକ ପ୍ରଶାସନ ଓ ପ୍ରତି ନିର୍ବାଚନରେ ଆସୁଥିବା ନେତା ମନ୍ତ୍ରୀ ଙ୍କୁ ବାରମ୍ବାର ଗୁହାରି କରୁଥିଲେ ସୁଦ୍ଧା ପ୍ରତିଶ୍ରୁତି ଦେଇ ନିର୍ବାଚନ ପରେ ସବୁ ଭୁଲି ଯାଇଛନ୍ତି ।
ଗ୍ରାମର ସମସ୍ତ ପରିବାର ଏକତ୍ରିତ ହୋଇ ଜଙ୍ଗଲରୁ କାଠ ସଂଗ୍ରହ କରି । ଗ୍ରାମର ସମସ୍ତ ମହିଳା ପୁରୁଷ ମାନେ କାଠ ସଜାଇବା ପରେ ବଡ଼ ବଡ଼ କାଠକୁ ପକାଇ ତା ଉପରେ ଛୋଟ ଛୋଟ ସାଇଜ କାଠ କାଟି କଣ୍ଟା ମାରି ଦୁଇ ଚକିଆ ଯାନ ଯିବା ପରି ପୋଲ ନିର୍ମାଣ କରିଛନ୍ତି । ବର୍ତ୍ତମାନ ଲୋକସଭା ଓ ବିଧାନସଭାର ନିର୍ବାଚନ ହେବ, ଏଥିପାଇଁ ପ୍ରଚାର ନିମନ୍ତେ ଯେଉଁ ଦଳ ଗୁଡିକ ଆସିବ ସେମାନଙ୍କୁ ଗ୍ରାମରେ ପୁରାଇଦେବୁ ନାହିଁ, ବ୍ରିଜ ନାହିଁତ ଭୋଟ ନାହିଁ, କହି ଘଉଡ଼ାଇ ଦେବୁ ବୋଲି କହିଛନ୍ତି ।