ରିପୋର୍ଟ : ସନ୍ତୋଷ କୁମାର ନାୟକ
ଟିଟିଲାଗଡ, (୧୯/୦୪) : ଟିଟିଲାଗଡ ସହରର ନେହେରୁ ନଗର, ହାଟପଦା ପଡ଼ା , ଅଗ୍ନିଶମ ବିଭାଗ ନିକଟ କାଳୀ ମନ୍ଦିର ତଥା ଆଖପାଖ ଅଞ୍ଚଳରେ ଚୋରି ଅଭିଯୋଗରେ ଟିଟିଲାଗଡ ପୋଲିସ ଚାରି ଜଣ କୁଖ୍ୟାତ ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଛି ଟିଟିଲାଗଡ ପୋଲିସ ।
ଏହି ଚାରି ଜଣଙ୍କ ମଧ୍ୟରୁ ଜଣେ ଯୁଭିନାଲ ଭିତରେ ଆସୁଛି । ପୁର୍ବରୁ ଛ ଗୋଟି କେସରେ ମଧ୍ୟ ସଂଶ୍ଳିଷ୍ଟ ଥିବାର ଥାନଧିକାରି ଶ୍ରୀ ଅବନୀ ସାହୁ ସୁଚନା ଦେଇଛନ୍ତି । ସହରର ବିଭିନ୍ନ ସ୍ଥାନରେ ଘରେ ପଶି ଚୋରୀ କରିବା ପୋଲିସ୍ ପାଇଁ ଚ୍ୟାଲେଞ୍ଜ ହୋଇଥିଲା । ଅଗ୍ନିଶମ ବିଭାଗ କାର୍ଯ୍ୟାଳୟ ସମ୍ମୁଖରେ ଥିବା କାଳୀ ମନ୍ଦିରରୁ ବାରମ୍ବାର ଚୋରି କରିବାରେ ମଧ୍ୟ ଏମାନେ ସଂଶ୍ଳିଷ୍ଟ ଥିବାର ଜଣା ପଡିଛି । ଟିଟିଲାଗଡ ଥାନାଧିକାରୀ ଶ୍ରୀ ଅବନୀ ସାହୁ ବାରମ୍ବାର ଚୋରି କରୁଥିବା ଏହି ଚୋରଙ୍କୁ ଶେଷରେ କାବୁ କରିବାରେ ସଫଳ ହୋଇଛନ୍ତି ।
ଚୋରି କରିବା ପାଇଁ ବ୍ୟବହୃତ ହତିଆର, ପାଣି ମୋଟର, ଟଙ୍କା, ସୁନାର ମଙ୍ଗଳସୂତ୍ର, ଚେନ, ରୂପା କଏନ, ପୁଜା ସାମଗ୍ରୀ ଜବତ ହୋଇଛି । ଚୋରି ଅଭିଯୋଗରେ ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ଗୋରୁ ବଜାର ପଡ଼ାର ଗୋବିନ୍ଦ ଦୀଵାର, ସିର ଭଟା ପଡ଼ାର ଅଜୟ ଦେଵାର, ବାଗ ବହରା ଅଞ୍ଚଳର ସିରଭଟାରେ ରହୁଥିବା ମହେଶ ଦେବାର ଓ କଟକିଆ ପଡ଼ାର ଆଶିଷ ବର୍ମାଙ୍କୁ ଗିରଫ ହୋଇଛନ୍ତି।