ରିପୋର୍ଟ : ପ୍ରଣତି ସାବତ //
କାଶୀନଗର,(୦୯/୧୧) : ଏବେ କିଛିଦିନ ହେଲା କାଶୀନଗର ସହରର ପିଇବା ପାଣି ଯୋଗାଣ ବ୍ୟବସ୍ଥା ଠପ ହୋଇଯାଇଛି । ବିଶୁଦ୍ଧ ପାଣି ଟିକେ ପାଇବା ପାଇଁ ଲୋକେ ଡହଳ ବିକଳ ହେଉଥିବା ଦେଖାଯାଇଛି ।
ଆଜି ସକାଳେ ସ୍ଥାନୀୟ ଜନସ୍ବାସ୍ଥ୍ୟ ବିଭାଗ ଦ୍ଵାରା ଯୋଗାଇ ଦିଆଯାଉଥିବା ପାଣିର ଅବସ୍ଥା ଏଭଳିକି ଯାହା ପିଇବା ପାଇଁ ଅନୁପଯୁକ୍ତ । ଏହି ପାଣିରେ ମାଟି,କାଦ,ଏବଂ ନାଳ ଫଟା ପାଣି | ଏହି ପାଣିରେ ମିଶିଥିବା ଯୋଗୁଁ ଲୋକେ ବିଶୁଦ୍ଧ ପାଣି ଟିକେ ପାଇବା ପାଇଁ ପୁନର୍ବାର ନଦୀ ଉପରେ ଭରସା କରିବା ଛଡ଼ା ଅନ୍ୟ ଉପାୟ ନାହିଁ । ଏ ସଂପର୍କରେ କନିଷ୍ଠ ଯନ୍ତ୍ରୀଙ୍କୁ ପଚାରିବାରୁ ସେ ସହକାରୀ ଯନ୍ତ୍ରୀଙ୍କୁ ଦେଖା କରନ୍ତୁ ବୋଲି ଓଲଟା ସମସ୍ୟାର ସମାଧାନ ନ କରି ନିଜ ଦୋଷ ଅନ୍ୟ ମୁଣ୍ଡରେ ଦେଉଛନ୍ତି । ଆଗାମୀ ଦୁଇ ଦିନ ମଧ୍ୟରେ ପିଇବା ପାଣି ସମସ୍ୟାର ସମାଧାନ ନ କଲେ ସଚେତନ ନାଗରିକ ମଞ୍ଚ ଆନ୍ଦୋଳନ କରିବ ବୋଲି ଧମକ ଦେଇଛି |