-5.7 C
Innichen
Saturday, January 22, 2022

ମମିତାଙ୍କ ଯୋଜନା ବଦ୍ଧ ହତ୍ୟା ମାମଲାରେ ସିବିଆଇ ତଦନ୍ତ ଦାବି ସହ ମନ୍ତ୍ରୀ ଙ୍କୁ ବହିଷ୍କାର ଦାବି

ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୧୨/୧୧) : ଓଡ଼ିଶାର ବଲାଙ୍ଗୀର ଜିଲ୍ଲାର ଟିଟିଲାଗଡ଼ ଥାନା ରୁ ଶିକ୍ଷୟତ୍ରୀ ମମିତାଙ୍କ ଯୋଜନା ବଦ୍ଧ ହତ୍ୟା ଘଟଣା ର ଅଭିଯୁକ୍ତ ଫେରାର ମାମଲାରେ ସିବିଆଇ ତଦନ୍ତ ଓ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଙ୍କ ବହିଷ୍କାର ଦାବିକୁ ନେଇ ଓଡ଼ିଶା ପ୍ରଦେଶ କଂଗ୍ରେସ ପକ୍ଷରୁ ୬ ଘଣ୍ଟିଆ ଓଡ଼ିଶା ବନ୍ଦ ଡାକରା ଦିଆଯାଇଥିଲା ।

ମମିତାଙ୍କ ଯୋଜନା ବଦ୍ଧ ହତ୍ୟା ମାମଲାରେ ସିବିଆଇ ତଦନ୍ତ ଦାବି ସହ ମନ୍ତ୍ରୀ ଙ୍କୁ ବହିଷ୍କାର ଦାବି ପାଇଁ ୬ ଘଣ୍ଟିଆ ବନ୍ଦ ଡାକରା କୁ ଟିଟିଲାଗଡ଼ ଓ ସଇଁତଲା କଂଗ୍ରେସ ସମର୍ଥନ ଜଣାଇବା ସହିତ ସଇଁନ୍ତଳା ରୁ ଟିଟିଲାଗଡ଼ କୁ ଏକ ବାଇକ ରେଲି କରିଥିଲା । ଜିଲ୍ଲା ବ୍ଲକ କଂଗ୍ରେସ ସଭାପତି ଗୁଣ ସାଗର ମାଝୀ ଙ୍କ ନେତୃତ୍ୱ ଓ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ ଙ୍କ ସଭାପତିତ୍ୱରେ ଆନ୍ଦୋଳନ କୁ ସମର୍ଥନ କରି ନିଜେ ଏକ ବାଇକ ରେଲିରେ ଟିଟିଲାଗଡ଼ ପର୍ଯ୍ୟନ୍ତ ପହଞ୍ଚିଥିଲେ |

ଥାନା ସମ୍ମୁଖରେ ଧାରଣା ଦେବା ସହ ମମିତା ମେହେର ହତ୍ୟା ମାମଲାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଙ୍କୁ ବହିଷ୍କାର ଦାବି କରିବା ସହ ଗିରଫ କରିବା ପାଇଁ ପୂର୍ବତନ ମନ୍ତ୍ରୀ ଶ୍ରୀ ସୁରେନ୍ଦ୍ର ସିଂ ଭୋଇ ଦାବି କରିଛନ୍ତି । ଅନ୍ୟପଟେ ଟିଟିଲାଗଡ଼ ଥାନାରୁ ଗୋବିନ୍ଦ ସାହୁ ଫେରାର ମାରିବାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ହାତ ଥିବା ଏବଂ ସ୍ମାର୍ଟ କାର୍ଡ଼ ବଣ୍ଟନ କାର୍ୟ୍ୟକ୍ରମରେ ମନ୍ତ୍ରୀ ଶ୍ରୀ ମିଶ୍ରଙ୍କ ଉପସ୍ଥିତିକୁ ନେଇ ମୁଖ୍ୟମନ୍ତ୍ରୀଙ୍କ ଉପରେ ବର୍ଷିଥିଲେ ।

ଟିଟିଲାଗଡ଼ ଥାନା ଅଧିକାରୀ ବ୍ୟାଡମିଣ୍ଟନ ଖେଳୁଥିବା ବେଳେ ତାଙ୍କ ଅଗୋଚର ରେ କେତେ ଦିନ ଧରି ସେ ଥାନା ରେ ଥିଲେ ? ସେହିପରି ବଙ୍ଗୋମୁଣ୍ଡା ଥାନା ଅଞ୍ଚଳରେ ଥିବା ଆଖୁ କିଆରୀ ରୁ କିପରି ଗିରଫ କେତେ ସମୟ ପରେ କରାଗଲା ? ସେ ତାଙ୍କ ଭଉଣୀ ବଙ୍ଗୋମୁଣ୍ଡା ସ୍ଥିତ ଘରେ କେବେ ପହଞ୍ଚିଥିଲେ ଓ ଅଭିଯୁକ୍ତ ଗୋବିନ୍ଦ ତାଙ୍କ ଘରେ ଥିବା ନେଇ ପୋଲିସ କୁ ବାରମ୍ବାର ତାଙ୍କ ଜ୍ୱାଇଁ ଫୋନ ରେ ସୂଚନା ଦେବା ସତ୍ୱେ ପୋଲିସ କାହିଁକି ଗିରଫ କରି ନ ଥିଲା ? ଏହା କେବଳ ଅଭିଯୁକ୍ତ ତଥା କ୍ଷମତା ରେ ଥିବା ଦିବ୍ୟଶଙ୍କର ଙ୍କ ଯୋଜନା ବଦ୍ଧ ଭାବେ ଷଡଯନ୍ତ୍ର କରି କେବଳ ଗୋବିନ୍ଦ କୁ ଗିରଫ ଓ କିଛି କର୍ମଚାରୀ ଙ୍କୁ ସସପେଣ୍ଡ କରିଦେଇ ଘଟଣା ଚପେଇ ଦିଆଯିବା ଉଦ୍ୟମ କରୁଛନ୍ତି ବୋଲି କୁହାଯାଇଛି ।

ଏକ ବଡ଼ ଧରଣର ରହସ୍ୟ ଉନ୍ମୋଚନ ନ ହେଉ ବୋଲି କ୍ଷମତାଧାରୀ ଶାସକ ଗୋବିନ୍ଦ ସହ ମିଶି ଘଟଣା ଘଟେଇଛନ୍ତି । ଏପରି କି ଟିଟିଲାଗଡ଼ ଥାନା ରେ ସେ ନ ଥାଇ ଫେରାର ଦର୍ଶାଇଛନ୍ତି ବୋଲି ଚର୍ଚ୍ଚା ହେଉଛି । ଏଣୁ ତୁରନ୍ତ ସିବିଆଇ ତଦନ୍ତ ସହ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ର ଙ୍କୁ ବହିଷ୍କାର ଦାବି କରାଯାଇଛି ।

Related Articles

Stay Connected

0FansLike
3,129FollowersFollow
19,100SubscribersSubscribe
- Advertisement -spot_img

Latest Articles