ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୨୫/୦୪) : ଟିଟିଲାଗଡ ନିର୍ବାଚନ ମଣ୍ଡଳୀରୁ ବିଧାୟକ ପ୍ରାର୍ଥୀ ତଥା ପୂର୍ବତନ ବିଜେପି ଦଳ ର ଅଶୋକ ଦୋରା ଙ୍କୁ ଗତ କାଲି ଦିନ ପ୍ରାୟ ଅପରାହ୍ନ ୪ ଟା ସମୟ ରେ ସ୍ଥାନୀୟ ପୁରୁଣା ବ୍ୟାଙ୍କ ଛକ ନିକଟରେ ସ୍ଥାନୀୟ ବିଧାୟିକା ଟୁକୁନି ସାହୁ ଙ୍କ କିଛି ବିଜେଡି କର୍ମୀ ଦୁର୍ବ୍ୟବହାର ସହ ଅସ୍ମିଳ ଭାଷା ରେ ଗାଳି, ଗୁଲଜ କରି ଧମକ, ଚମକ ଦେବା ଅଭିଯୋଗ ହୋଇଛି ।
ସେହିଭଳି ଖୋଲା,ଖୋଲି ଭାବରେ ନିର୍ବାଚନ ଆଚରଣ ବିଧି ର ଉଲ୍ଲଘଂନ କରି ବିଜେଡି ଦଳ ର ବିଭିନ୍ନ ହୋଡ଼ିଂ ସହ ଶଙ୍ଖ ଚିହ୍ନ ର ପ୍ରଚାର ଷ୍ଟିକର ଲାଗି ରହିଛି । ଇତି ମଧ୍ୟରେ ପୂର୍ବରୁ ଟଙ୍କା ବଳରେ ଯୋଜନା ବଦ୍ଧ ଭାବେ ବିଜେପି ଦଳ ର ଆଶାୟୀ ପ୍ରାର୍ଥୀ ନବୀନ ଜୈନ ଙ୍କୁ ବିରୋଧ କରିବା ବେଶ୍ ଚର୍ଚ୍ଚା ଜୋର ଧରିଛି । ଏହି ନିର୍ବାଚନ ମଣ୍ଡଳୀ ଏବେ ସାରା ରାଜ୍ୟ ରେ ଫୋକସ ରେ ଥିବା ବେଳେ ସାଧାରଣ ସଚେତନ ନାଗରିକ,ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ସହ ଅସନ୍ତୋଷ ପ୍ରକାଶ ପାଉଥିବା ବେଳେ, ଏ ନେଇ ମୁଖ୍ୟ ନିର୍ବାଚନ କମିଶନର ତୁରନ୍ତ ଦୃଷ୍ଟି ଦେବାକୁ ବିଭିନ୍ନ ମହଲରେ ଦୃଢ଼ ଦାବି ହେଉଛି । ଅବାଧ, ନିରପେକ୍ଷ ଭାବେ ମତଦାନ ସାବ୍ୟସ୍ତ ନେଇ ସ୍ଵତନ୍ତ୍ର ବ୍ୟବସ୍ଥା ଥିବା ବେଳେ ତାହା କିଭଳି ସଫଳ କାର୍ଯ୍ୟକାରୀ ହେବ ସେ ଦିଗରେ ସ୍ଵତନ୍ତ୍ର ଦୃଷ୍ଟି ଦେବାକୁ ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।